Somalia yapiga marufuku mifuko ya plastiki

Sheria hiyo mpya iliyotangazwa kwa mara ya kwanza mnamo Februari 2024 inazuia uagizaji kutoka nje, utengenezaji, uuzaji na utumiaji wa mifuko ya plastiki ambayo huishia kutupwa kama taka au kuzikwa ardhini.

Wanaharakati wa mazingira na wakaazi wa mji mkuu Mogadishu wameipongeza marufuku hiyo wakisema ilichelewa.

Soma zaidi: Somalia yasema vitendo vya Ethiopia vinakiuka uadilifu wake

Somalia inajiunga na nchi nyingine za Afrika, zikiwamo Kenya na Tanzania, ambazo zilipiga marufuku matumizi ya mifuko ya plastiki.

Marufuku ya Somalia inaanza kutekelezwa baada ya wajumbe kukamilisha mkutano mjini Nairobi siku ya Jumatatu (Septemba 30) wakiwa na matumaini ya kufikia mkataba wa kwanza wa kimataifa kuhusu uchaguzi unaosababishwa na plastiki.