1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu

Togo inazingatia kujiunga muungano wa kiusalama wa Sahel

Lilian Mtono
17 Januari 2025

Waziri wa Mambo ya Nje wa Togo Robert Dussey amesema taifa hilo halijakataa kujiunga na mkataba wa ulinzi wa Sahel uliobuniwa na serikali zinazoongozwa na jeshi za Burkina Faso, Mali na Niger.

https://p.dw.com/p/4pIWw
Viongozi wa kijeshi wa Mali, Niger na Burkina Faso
Viongozi wa kijeshi wa Mali, Niger na Burkina FasoPicha: Mahamadou Hamidou/REUTERS

Waziri wa Mambo ya Nje wa Togo Robert Dussey amesema taifa hilo halijakataa kujiunga na mkataba wa ulinzi wa Saheluliobuniwa na serikali zinazoongozwa na jeshi za Burkina Faso, Mali na Niger.

Dussey amesema kwenye mahojiano na kituo cha Voxafrica alipoulizwa ikiwa taifa hilo litajiunga na mkataba huo wa AES, kwamba inategemeana na uamuzi wa rais.

Viongozi wa Burkina Faso, Mali na Niger waliunda AES baada ya kuchukua mamlaka kufuatia mapinduzi ya kati ya mwaka 2020 na 2023 na kujiengua kwenye Jumuiya ya Kiuchumi kwa mataifa ya Magharibi, ECOWAS.

Ikiwa Togo itajiunga, mataifa hayo matatu yasiyo na bandari yataweza kuufikia mji mkuu wa Togo na bandari ya Lome kwa ajili ya biashara.