1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaMarekani

Trump asema Wamarekani hawatokubali kifungo chake

Jacob Safari
3 Juni 2024

Donald Trump amesema kuwa atakubali kifungo cha nyumbani au jela baada ya kupatikana na hatia katika kesi ya jinai iliyokuwa inamkabili wiki iliyopita.

https://p.dw.com/p/4gYfP
USA | Urteilsspruch im Schweigegeldprozess | Donald Trump
Picha: Spencer Platt/Getty Images

Trump lakini amesema kwamba itakuwa vigumu kwa umma kukubali kifungo atakachopewa.

Trump ameratibiwa kuhukumiwa Julai 11, siku nne tu kabla Warepublican hawajakusanyika kumchagua rasmi mgombea wao atakayepambana na mgombea wa chama cha Demcoratic Joe Biden, katika uchaguzi utakaofanyika Novemba.

Kifungo cha jela ni nadra kwa watu wanaohukumiwa katika jimbo la New York kwa madai ya kughushi nyaraka za biashara, ambayo ndiyo madai yaliyomkabili Trump.

Kifungo kirefu zaidi anachoweza kupewa mtu anayekabiliwa na madai hayo ni miaka minne jela.

Trump ameapa kukata rufaa kutokana na kifungo kufuatia madai kwamba alighushi nyaraka ili kuficha malipo aliyofanya kwa mwanamke mmoja mcheza filamu za ngono kuelekea uchaguzi wa mwaka 2016.