1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUlaya

Ufaransa yaahidi euro milioni 100 kuisaidia Lebanon

24 Oktoba 2024

Ufaransa imeahidi kutowa fungu la yuro milioni 100 la kuisadia Lebanon kushughulikia watu walioachwa bila makaazi kufuatia vita vinavyoendelea kati ya kundi la Hezbollah na jeshi la Israel.

https://p.dw.com/p/4mCEe
Mkutano wa kuisaidia Lebanon mjini Paris, Ufaransa
Mkutano wa kimataifa wa kuisadia Lebanon ulioandaliwa na UfaransaPicha: Alain Jocard/dpa/AFP POOL via AP/picture alliance

Katika mkutano wa kimataifa wa kuisadia Lebanon, ulioandaliwa na Ufaransa, Rais Emmanuel Macron amesema msaada mkubwa unahitajika kuisadia nchi hiyo inayokabiliwa na mgogoro wa kiuchumi na watu milioni moja walioachwa bila makazi kutokana na vita.

Mkuu wa sera za nje wa Umoja wa Ulaya, Josep Borrell, amesema Umoja huo utatowa yuro milioni 20 mwaka huu kulisaidia jeshi la Lebanon na nyingine milioni 40 zitatolewa mwaka ujao.

Soma pia: Ufaransa yalenga kukusanya yulo milioni 500 kwa ajili ya Lebanon

Waziri Mkuu wa Lebanon, Najib Mikati, akizungumza pembezoni mwa mkutano huo wa Paris, ameshinikiza juu ya usitishwaji wa mapigano kati ya Israel na Hezbollah huku akisema hakuna kundi linalopaswa kuruhusiwa kubeba silaha nchini humo isipokuwa jeshi la taifa.