Uingereza yaelezea taarifa mchanganyiko kuhusu vita Ukraine

Katika taarifa, wizara ya ulinzi ya Uingereza, imesema kuwa katika baadhi ya maeneo, vikosi vya Ukraine vimeonekeana kupata ushindi na kupenya safu ya kwanza ya ulinzi wa Urusi huku katika maeneo mengine, ufanisi wa Ukraine ukionekana kuwa wa kasi ya chini.

Hatua za Urusi zimekuwa za mchanganýiko

Taarifa hiyo imeendelea kusema kuwa hatua za Urusi zimekuwa za mchanganyiko na kwamba baadhi ya vikosi vyake vinatekeleza operesheni thabiti huku vingine vikijiondoa katika hali isiyoeleweka wakati ripoti zikielezea kuweko kwa majeruhi wa Urusi wanapojiondoa kupitia maeneo yao ya migodi.