Ukraine yashutumu 'uchaguzi bandia' wa Urusi nchini mwake

Kwenye taarifa, wizara ya mambo ya nje ya Ukraine imesema chaguzi hizo za uongo ambazo Urusi inazifanya katika majimbo ya Donetsk, Lugansk, Zaporizhzhia, Kherson na Crimea, hazina thamani, huku ikiituhumu Urusi kwa kukiuka uhuru wa Ukraine.

Hayo yanajiri mnamo wakati  mashambulizi ya angani ya Urusi  yamewaua watu wanne na kuwajeruhi makumi zaidi kote nchini Ukraine.

Mashambulizi hayo yalilenga miji katika eneo la kati na mashariki mwa nchi. Waziri wa mambo ya ndani wa Ukraine Igor Klymenko amesema raia watatu waliuawa eneo la Odradokamyanka na wengine kadhaa walijeruhiwa.