1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaUkraine

Viongozi wa G7 wakamilisha mkopo wa Ukraine

26 Oktoba 2024

Viongozi wa kundi la mataifa tajiri duniani la G7 wamekamilisha mpango wa mkopo wa dola bilioni 50 kwa Ukraine, uliotokana na mali za Urusi zilizozuiwa kufuatia uvamizi wake nchini Ukraine.

https://p.dw.com/p/4mFkG
Italia | G7
Wakuu wa mataifa ya kundi la G7 walikubaliana juu ya mkopo kwa Ukraine unaotokana na mali za Urusi zilizozuiwa kwenye mkutano uliofanyika kusini mwa Italia, Juni, 2024Picha: Alessandro Serran/Photoshot/picture alliance

Wakuu wa mataifa ya G7 wamesema wamefikia makubaliano juu ya namna ya kuufikisha mkopo huo, wakilenga kuanza kuupeleka kupitia chaneli mbalimbali, mwishoni mwa mwaka huu.

Wamesema utatumika kwa ajili ya kusaidia bajeti ya Ukraine, jeshi na msaada wa kujijenga upya.

Wanatoa tangazo hilo wakati mawaziri wa fedha wakiwa wamekusanyika mjini Washington wiki hii kwa ajili ya mikutano iliyoandaliwa na Shirika la Kimataifa la Fedha, IMF na Benki ya Dunia.

Wakuu hao walikubaliana katika mkutano wa mwaka wa kilele uliofanyika kusini mwa Italia mnamo mwezi Juni, kuipatia Ukraine mikopo itakayotokana na faida ya mali za Urusi zilizozuiwa, lakini baadhi ya masuala ya kiufundi yalikuwa bado hayajawekwa sawa.

Mali za Urusi za kiasi cha dola bilioni 280.62 kama akiba ya Benki Kuu zilizuiwa chini ya vikwazo ilivyowekewa taifa hilo, kufuatia uvamizi wa Moscow nchini Ukraine mnamo Februari 2022.