1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
SiasaAsia

Wabunge wa Korea Kusini wamemuondoa Rais Yoon mamlakani

Sudi Mnette
14 Desemba 2024

Wabunge wa Korea Kusini leo wamemondoa madarakani Rais Yoon Suk Yeol kutokana na jaribio lake la kutangaza sheria ya kijeshi lililofeli, hatua ambayo upinzani umeiita kuwa ni "ushindi wa watu".

https://p.dw.com/p/4o95a
Südkorea | Präsident Yoon Suk Yeols Ansprache in seinem Amtssitz in Seoul
Rais Yoon Suk Yeol wa Korea akitoa hotuba ya hadhara kutoka katika makazi yake rasmi mjini Seoul. Yoon mnamo Desemba 14.2024.Picha: South Korean Presidential Office/Handout/Yonhap/AFP

Upigaji kura umefanyika huku maelfu wakiingia kwenye mitaa ya Seoulkatika maandamano ya wanaomuunga mkono Yoon na wanaompinga, ambaye alifanya jaribio ambalo halikufanikiwa la kuweka sheria ya kijeshi Desemba 3. Kati ya wabunge 300, wabunge 204 wamepiga kura ya kumuondoa rais kwa madai ya uasi, huku 85 wakipiga kura ya kupinga. Watatu hawakupiga kura, huku kura nane zikibatilishwa. Kwa hatua hiyo, Yoon amesimamishwa kazi huku Mahakama ya Kikatiba ya Korea Kusini ikijadili kuhusu kura hiyo. Mahakama ina siku 180 kutoa uamuzi kuhusu mustakabali wa Yoon.