Wanajeshi wa Eritrea waondoka kaskazini wa Ethiopia

Haikufahamika mara moja iwapo vikosi vya Eritrea vilikuwa vinaondoka kabisa Tigray au vilikuwa vinaondoka tu kwenye miji kadhaa.

Waziri wa Habari wa Eritrea, Yamane Gebremeskel ameliambia shirika la habari la Reuters kwamba hawezi kuthibitisha au kukanusha kama wanajeshi wanaondoka.

Vikosi vya Eritrea bado vyatekeleza mauaji ya raia wa Tigray

Wafanyakazi wa mashirika ya kutoa misaada huko Axum na Shire wamesema wameona malori na magari kadhaa yaliyojaa wanajeshi wa Eritrea wakiondoka jana kuelekea kwenye mpaka wa Sheraro.

Eritrea yadaiwa kufanya mashambulizi katika mpaka wake na Ethiopia

Wakati huo huo, polisi wa Ethiopia wameanza kupelekwa kwenye jimbo la Tigray kwa mara ya kwanza katika kipindi cha miezi 18, baada ya makubaliano ya amani kufikiwa, takribani miezi miwili iliyopita.

Polisi imesema kulingana na mamlaka waliyopewa na katiba ya kulinda taasisi za shirikisho, jana waliingia Mekele na wameanza kazi.