1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
JangaNiger

Watu 339 wafariki dunia kufuatia mvua kubwa Niger

Babu Abdalla
9 Oktoba 2024

Mvua zinazoendelea kunyesha nchini Niger zimesababisha vifo vya watu 339 na kuwaacha zaidi ya watu milioni 1.1 bila makaazi rasmi tangu mwezi Juni.

https://p.dw.com/p/4lYaB
Mafuriko | Mvua | Niger
Wakazi wa wilaya ya Saliou Ndir wanahamia kwenye paa la nyumba yao iliyojaa maji. Kanda ya Afrika Magharibi inakabiliwa na mafuriko makubwa huku watu 350,000 wakiathirika katika zaidi ya nchi sita.Picha: picture alliance/dpa

Waziri wa mambo ya ndani mwezi uliopita alifahamisha kuwa takriban watu 273 walipoteza maisha na wengine 700,000 waliathirika baada ya mvua kubwa kushuhudiwa katika taifa hilo la ukanda wa Sahel.

Shirika la habari la serikali ANP limeripoti jana kwamba kufikia Septemba 23, mafuriko yameathiri zaidi ya watu milioni 1.1 na kusababisha vifo vya watu 339 na wengine 383 kujeruhiwa.

Soma pia:  Niger yazindua kampeni ya chanjo dhidi ya Malaria

Maeneo mbalimbali yaliathirika na mvua ukiwemo mji mkuu Niamey ambapo watu tisa walipoteza maisha. Mafuriko pia yalisababisha hasara kubwa ya vifaa, mifugo na chakula.

Kutokana na uharibifu wa shule na idadi kubwa ya watu kuhamishwa makwao, serikali imeahirisha kuanza kwa muhula mpya wa shule hadi mwishoni mwa mwezi Oktoba.