1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
Janga

Watu wasiopungua 18 wauawa katika maporomoko ya taka Uganda

Iddi Ssessanga
12 Agosti 2024

Dampo kubwa la taka limeporomoka katika mji mkuu wa Uganda, Kampala, na kusababisha vifo vya watu wasopungua 18 na kuwajeruhi wengine 14.

https://p.dw.com/p/4jMZY
Maporomoko ya dampo la taka Uganda
Waokoaji wakitoa maiti kwenye vifusi vya mapromoko ya taka KampalaPicha: Simon Tumwine/XinHua/dpa/picture alliance

Mamlaka ya Mji Mkuu wa Kampala, KCCA, imesema katika taarifa kwamba waathirika wasiopungua wawili kati ya waliokufa katika maporoko hayo ya dampo la Kiteezi ni watoto.

Maporomoko ya dampo hilo, ambalo linahudumia sehemu kubwa zaidi ya mji wa Kampala, yanaaminika kusababishwa na mvua kubwa.

Haijabainika wazi kuhusu kilichotolea hasa, lakini mamlaka za jiji zilisema dampo hilo lilishindwa kuhimili uzito wa taka.

Rais wa Uganda Yoweri Museveni ameagiza uchunguzi wa kina kuhusu tukio hilo, akihoji katika machapicho kadhaa kwenye mtandao wa kijamii wa X, kwanini watu walikuwa wanaishi karibu na rundo la taka lisilo salaama.