Wizara ya Afya Gaza yasema watu 38,664 wameuawa

Idadi hiyo imejumuisha vifo vipya vya watu 80 vilivyotokea ndani ya kipindi cha saa 24 zilizopita.

Taarifa ya wizara hiyo ya afya ya Gaza pia imeongeza kusema kwamba watu 89,097 wamejeruhiwa kwenye eneo hilo tangu vita vilipoanza Oktoba 7 baada ya wanamgambo wa Hamas kuishambulia Israel.

Kadhalika wizara hiyo imetoa takwimu mpya ya waliouwawa kufuatia mashambulizi ya anga ya Israel dhidi ya shule moja iliyoko katikati mwa Gaza yaliyofanyika jana Jumapili, inayoonesha waliouwawa wamefikia 22.

Shule hiyo ilikuwa ikisimamiwa na shirika la Umoja wa Mataifa la kushughulikia wakimbizi Wakipalestina,UNRWA.