اسلامک اسٹيٹ کے خلاف ’سائبر جنگ‘ بھی کی جائے، جان ايلن

عراق اور شام ميں سرگرم سنی شدت پسندوں کی تنظيم اسلامک اسٹيٹ کے خلاف امريکا کی قيادت ميں جاری عالمی کوليشن کی فضائی کارروائی کی نمائندگی کرنے والے ريٹائرڈ امريکی جنرل جان ايلن کا کہنا ہے کہ يہ گروہ انٹرنيٹ کے ذريعے معصوم افراد کو اپنی کارروائيوں کا حصہ بناتے ہوئے اپنی صفيں مضبوط کر رہا ہے۔ انہوں نے مزيد کہا، ’’حقيقی معنوں ميں اسلامک اسٹيٹ کو شکست خوردہ کرنا صرف اس صورت ممکن ہے کہ ہم اس گروہ کا انٹر نیٹ پر بھی مقابلہ کريں اور اس کی طرف سے کمزور نوجوانوں کو بھيجے جانے والے پيغامات کی قانونی حيثيت کو مسترد کريں۔‘‘

جہادی تنظيم اسلامک اسٹيٹ انٹرنيٹ کو ہتھکنڈے کے طور پر استعمال کرتے ہوئے غير ملکيوں کو اپنی صفوں ميں شامل کرنے کی مہم جاری رکھے ہوئے ہيں۔ کوليشن پارٹنرز ميں اس حوالے سے تشويش پائی جاتی ہے اور يہی وجہ ہے کہ انہوں نے ايسی سرگرمياں روکنے کے ليے اقدامات کرنے کے عزم کا اظہار کيا۔ عرب اور مغربی رياستوں پر مشتمل کوليشن کے ارکان نے اس سلسلے ميں گزشتہ روز کويت سٹی ميں ملاقات کی، جس ميں يہ پيش رفت ہوئی۔

دريں اثناء امريکی ملٹری نے مطلع کيا ہے کہ کوليشن افواج نے اتوار اور پير کے روز عراق ميں اسلامک اسٹيٹ کے ٹھکانوں پر سات تازہ فضائی حملے کيے، جن ميں موصل ڈيم کے قريب اور فلوجہ شہر کے آس پاس اہداف کو نشانہ بنايا گيا۔

دريں اثناء امريکی محکمہ دفاع پينٹاگون نے اسلامک اسٹيٹ کے خلاف عراق اور شام ميں جاری فضائی کارروائی کے يوميہ اخراجات کا حجم 8.3 ملين ڈالر بتايا ہے۔ قبل ازيں وزارت دفاع نے اخراجات کا اندازہ قريب سات ملين يوميہ لگايا تھا۔ ايک دفاعی اہلکار نے اپنی شناخت مخفی رکھنے کی شرط پر بتايا ہے کہ اخراجات ميں اضافے کی وجہ حملوں اور ديگر کارروائيوں ميں وسعت ہے۔ يہ امر اہم ہے کہ عراق اور شام ميں امريکا کی قيادت ميں فضائی کارروائی کا آغاز آٹھ اگست کو ہوا تھا۔

ايک اور اہم پيش رفت ميں اسلامک اسٹيٹ کی طرف سے پير کی شب ايک ويڈيو جاری کی گئی ہے، جس ميں ايک برطانوی مغوی رپورٹر جان کينٹلی کو بظاہر شامی کرد شہر کوبانی ميں دکھايا گيا ہے۔ ويڈيو ميں مغوی امريکا کے ايسے دعووں کو غلط قرار دے رہا ہے کہ جہادی کوبانی سے پسپا ہو رہے ہيں۔ تاحال يہ واضح نہيں کہ يہ ويڈيو کب اور کہاں بنائی گئی تھی تاہم اس ميں کينٹلی سولہ اکتوبر کو امريکا کے ايک ملٹری ترجمان کے بيان اور سترہ اکتوبر کو ايک برطانوی نشرياتی ادارے پر نشر کردہ رپورٹ کا ذکر کرتے ہيں۔ بظاہر اس رپورٹ کا مقصد ايسے دعووں يا تاثرات کو غلط ثابت کرنا ہے کہ اسلامک اسٹيٹ تنظيم کوبانی پر قبضے کی جنگ ہار رہی ہے۔