ایران نے واٹس ایپ اور گوگل پلے پر عائد پابندیاں ختم کر دیں

تہران کے سرکاری میڈیا کی اطلاعات کے مطابق ایرانی حکام نے انٹرنیٹ پر عائد پابندیوں کو کم کرنے کی سمت میں پہلے قدم کے طور پر میٹا کے میسجنگ پلیٹ فارم واٹس ایپ اور گوگل کی پلے ایپ کی سروس سے پابندی ہٹا دی ہے۔

ایران کی سرکاری خبر رساں ایجنسی آئی آر این اے (ارنا) نے اس حوالے سے صدر مسعود پیزشکیان کی سربراہی میں ہونے والی ایک میٹنگ کا حوالہ دیتے ہوئے بتایا کہ "واٹس ایپ اور گوگل جیسے بعض مقبول غیر ملکی پلیٹ فارمز تک رسائی پر پابندیوں کو ختم کرنے کے لیے اکثریتی رائے کو حاصل کر لیا گیا ہے۔"

سول نافرمانی: تہران میں رقص کرتی لڑکیوں کی ویڈیو وائرل

ایجنسی نے ایران کے انفارمیشن اینڈ کمیونیکیشن ٹیکنالوجی کے وزیر ستار ہاشمی کا حوالہ دیتے ہوئے یہ اطلاع بھی دی ہے کہ یہ اقدام "انٹرنیٹ پر عائد حدود کو ہٹانے کی سمت میں ایک پہلا قدم ہے۔"

’مرگ بر خامنہ ای‘ والی فیس بک پوسٹس کی اشاعت درست ہے، میٹا

ایران میں انٹرنیٹ تک رسائی کے حوالے سے سخت ترین کنٹرول ہے۔ ان میں امریکہ سےکام کرنے والے فیس بک، ایکس اور یوٹیوب جیسے سوشل میڈيا نیٹ ورکس پر عائد پابندیاں شامل ہیں۔

اپریل سن 2018 میں ایک عدالتی حکم کے ذریعے پیغام رسانی کی معروف سروس ٹیلی گرام پر بھی پابندی لگا دی گئی تھی۔ البتہ ٹیکنالوجی کی مہارت رکھنے والے بہت سے ایرانی ورچؤل پرائیویٹ نیٹ ورکس ( وی پی این) کا استعمال کرتے ہوئے ان پابندیوں کو نظر انداز کرنے کی بھی کوشش کرتے ہیں۔

 مظاہرین سے یکجہتی کے جرم میں گرفتار ایرانی فلم اسٹار رہا

ایران میں حکومت مخالف مظاہروں کے دوران بھی اسی طریقے سے سوشل میڈیا پلیٹ فارمز کو بڑے پیمانے پر استعمال کیا گیا تھا۔

ایران، سوشل میڈیا فوج کے حوالے کرنے پرغور

گزشتہ ستمبر میں، امریکہ نے ان بڑی ٹیک کمپنیوں سے مطالبہ کیا تھا کہ وہ ایران سمیت ان ممالک میں آن لائن سنسرشپ سے بچنے میں مدد کریں، جہاں انٹرنیٹ کو بہت زیادہ سنسر کیا جاتا ہے۔

ص ز/ ج ا (اے ایف پی، روئٹرز)