کراچی میں زور دار دھماکہ، کم از کم 16 ہلاک

مقامی ذرائع ابلاغ ہلاک ہونے والوں کی تعداد کم از کم سولہ جبکہ زخمیوں کی تیس سے زیادہ بتا رہے ہیں۔ زخمیوں میں سے کئی ایک کی حالت نازک بتائی جا رہی ہے۔ زخمیوں کو جناح ہسپتال منتقل کر دیا گیا ہے۔
خبروں کے مطابق دھماکہ اتنا شدید تھا کہ اس سے زمین میں ایک گڑھا پڑ گیا۔ دھماکے کی شدت سے قریبی عمارتیں اور موٹر گاڑیاں بھی متاثر ہوئیں اور اُن کے شیشے ٹوٹ گئے۔
مقامی میڈیا کے مطابق یہ دھماکہ لیاری کے قریب واقع علاقے گھاس منڈی کے رمی کلب کی عمارت کے اندر ہوا۔ بعض دیگر ذرائع کے مطابق یہ دھماکہ عمارت کے باہر ہوا۔ مزید تفصیلات ابھی موصول ہو رہی ہیں۔

خبر رساں ادارے