گوگل کے اسمارٹ گلاسز، موبائل کمپيوٹنگ کا نيا دور

جرمن خبر رساں ادارے ڈی پی اے کی سان فرانسسکو سے موصولہ ايک رپورٹ کے مطابق معروف انٹرنيٹ کمپنی گوگل نے اپنی نئی پراڈکٹ ’اسمارٹ گلاس‘ کو متعارف کرا ديا ہے۔ تاہم قريب ڈيڑھ ہزار امريکی ڈالر ماليت کے ان گلاسز کے خريداروں کو ايک مقابلے کے ذريعے چنا جائے گا، جس ميں ان ممکنہ خريداروں کو يہ واضح کرنا ہوگا کہ وہ ان چشموں کو کس طرح استعمال کريں گے۔

واضح رہے کہ گوگل گلاس ايک چشمہ نما پراڈکٹ ہے جس ميں اسمارٹ فونز کی خصوصيات شامل ہيں۔ ان گلاسز کو ’وائس کمانڈز‘ يا زبانی احکامات کے ذريعے چلايا جا سکتا ہے۔ اس کے ايک کنارے پر ايک چھوٹی سے اسکرين موجود ہے جو اہم معلومات بتاتی ہے۔

بدھ کے روز گوگل کمپنی نے اعلان کيا کہ گوگل گلاس کو ان افراد کو ديا جائے گا جو تخليقی رجحان رکھتے ہيں۔ اس سلسلے ميں ايک مقابلے کا انعقاد کيا جائے گا، جس ميں شرکاء کو پچاس الفاظ پر مبنی ايک مضمون کے ذريعے يہ بتانا ہوگا کہ وہ اس ٹيکنالوجی کو کيسے استعمال ميں لائيں گے۔ مقابلے ميں حصہ لينے والے افراد اپنا اندارج گوگل کمپنی کی سماجی رابطے کی ويب سائٹ ’گوگل پلس‘ يا مائکرو بلاگنگ ويب سائٹ ٹوئٹر کے ذريعے کر سکتے ہيں۔ مقابلے ميں حصہ اگلے بدھ تک ليا جا سکتا ہے اور شرکاء کو اسی دن کے اختتام تک اپنی انٹريز جمع کرانی ہوں گی۔ تاہم گوگل انتظاميہ نے ابھی تک يہ نہيں بتايا ہے کہ وہ مقابلے کے ذريعے کتنے گوگل گلاس تقسيم کرے گی۔

مقابلے ميں جيتنے والے خوش نصيب افراد کو مارچ تک مطلع کيا جائے گا اور انہیں گلاسز خريدنے کے ليے نيو يارک، سان فرانسسکو يا لاس اينجلس جانا ہوگا۔

مقابلے ميں کاميابی حاصل کرنے والوں کو گوگل گلاس کا ’ايکسپلورر‘ نامی ورژن ديا جائے گا، جو کہ اگلے سال مارکيٹ ميں دستياب ہونے والے سے پہلے کا ورژن ہے۔ اس سے قبل گزشتہ سال گوگل کمپنی اپنی ايک کانفرنس ميں يہ گلاسز فروخت کر چکی ہے۔ اس وقت ايک چشمے کی قيمت 1500 ڈالر رکھی گئی تھی۔

گوگل گلاس کی خصوصيات پر مبنی ايک ويڈيو ميں لوگوں کو گھوڑا چلاتے، اسکيينگ کرتے اور متعدد ديگر کام کتے ہوئے اس پراڈکٹ کو استعمال کرتے دکھايا گيا ہے۔ رپورٹوں کے مطابق گوگل گلاس پانچ مختلف رنگوں ميں دستياب ہوگا اور یہ ’ويئر ايبل ‘ نامی ٹیکنالوجی کا حصہ ہے۔

as/ai (dpa, AP)