بھارت کے سب سے طویل ریل- روڈ پل کا افتتاح

نیوز ایجنسی ڈی پی اے کی رپورٹ کے مطابق بھارتی ریاست آسام میں  4.9 کلومیٹر طویل یہ پل جس پر بیک وقت ٹرین کی پٹری اور سڑک موجود ہے، براما پترا دریا کے اوپر تعمیر کیا گیا ہے۔ یہ پل دیبروگڑھ اور دھیماجی ضلعوں کو جوڑتا ہے۔  بھارتی وزیر اعظم نریندر مودی نے اس پل کے افتتاح کے موقع پر اپنے خطاب میں کہا، ’’یہ صرف ایک پل نہیں ہے بلکہ یہ خطے کے لاکھوں افراد کی زندگیوں کو بہتر بنائے گا۔ اس پل کے ذریعے آسام اور بھارت کے دیگر علاقوں کے درمیان رابطے میں بہتری آئی ہے۔‘‘

اس پل میں گاڑیوں  کے لیے تین لینز ہیں اور ٹرین کے لیے دو لائنوں کا ٹریک تعمیر کیا گیا ہے۔ چین اروناچل پردیش کو جنوبی تبت کا حصہ مانتا ہے۔ چین نے بھارت کی جانب سے تبت کے روحانی رہنما دلائی لامہ کو اس جگہ کا دورہ کرنے اور یہاں ترقیاتی کام کرنے پر احتجاج بھی کیا ہے۔

یہ پل 59 ارب بھارتی روپوں کی لاگت سے تعمیر کیا گیا ہے۔ اس پل کے ذریعے لگ بھگ مسافروں کو تین سے چار گھنٹے کم سفر کرنا پڑے گا۔ ایشیا میں یہ سب سے طویل ریل اور روڈ پل ہے۔ یہ پُل 120 سال تک سفر کے لیے محفوظ ہو گا۔ اس پل کی تعمیر کی بنیاد 1997 میں رکھی گئی تھی۔ 16 سال تک اس پر کام نہیں ہو سکا تھا اور مودی حکومت کے قیام کے بعد چار برس قبل اس پل کی تعمیر کے کام کا دوبارہ آغاز ہوا تھا۔

جرمنی اور بھارت کے درمیان 5250 کروڑ روپے تعاون کا معاہدہ

بھارت اقتصادی ترقی کی راہ پر گامزن