جرمن الپائن روڈ، سیاحوں کے لیے آج بھی پُرکشش

سیاحت کے لیے راستے کھولنے والوں کا ابتدائی مقصد عام لوگوں کی کاروں کے ذریعے قابل دید نظاروں تک رسائی ممکن بنانا تھا۔ دوسری عالمی جنگ کے بعد تعمیر نو کے دور میں کاریں سب کے لیے قابل خرید ہوتی گئیں۔ 1950 کی دہائی کے بعد جرمن الپائن روڈ کی مقبولیت میں دن بدن اضافہ ہوتا گیا۔

الپائن روڈ تقریباً چار سو پچاس کلومیٹر طویل ہے اور اس روڈ پر دونوں اطراف میں سفر کیا جا سکتا ہے۔ جرمنی میں عموماً اس سفر کا آغاز لنڈاؤ شہر کی جھیل کونسٹانس سے ہوتا ہے، جو اس ملک کی سب سے بڑی جھیل ہے۔ لِنڈاؤ ایک تاریخی شہر ہے، جو دیکھنے سے تعلق رکھتا ہے۔

جرمنی میں الپائن روڈ کے مرکزی مقامات یقیناً الپائن پینوراماز ہیں۔ الگاؤ کے علاقے میں سیاحوں کا گزر وادی الرٹال سے ہوتا ہے۔ یہ وادی دیکھنے سے تعلق رکھتی ہے اور یہاں کا علاقہ اوبرزڈورف موسم سرما کے کھیلوں کے لیے مشہور ہے۔

اس جھیل تک پہنچنے کے لیے کار کی بجائے پیدل سفر بہترین آئیڈیا ہو گا۔ ہائیکنگ کا یہ پہاڑی راستہ وادی ہنٹرشٹائنر سے ہو کر گزرتا ہے اور آپ شریکزے جھیل تک پہنچتے ہیں۔ 1813 میٹر کی بلندی پر ہائیکنگ طبیعت کو تروتازہ کر دیتی ہے۔

جرمن صوے باویریا میں انتہائی مشہور نوئے شوان شٹائن قلعہ دیکھ کر کسی بھی انسان کا تخیل پرواز کرنے لگتا ہے۔ آپ کار کے ذریعے یہاں تک براہ راست نہیں پہنچ سکتے۔ یا تو آپ پیدل یا پھر گھوڑوں پر سفر کرتے ہوئے یہاں تک پہنچ سکتے ہیں۔

باویریا کے بہت سے علاقے وہاں کے کلیساؤں کی وجہ سے جانے جاتے ہیں اور ٹیگرن زے بھی وہاں کے سینٹ لارنس کی وجہ سے جانی جاتی ہے۔ یہ تاریخی دیہات روٹاخ ایگرن کی علامت بھی ہے۔ اس جھیل پر ایک بریوری بھی موجود ہے، جہاں بہت سی مشہور شخصیات کے اپنے گھر بھی ہیں۔

الپائن روڈ کے آخر میں واٹسمان نامی پہاڑ ہے۔ اس کی بلندی دو ہزار سات سو تیرہ میٹر ہے اور یہ جرمنی کا تیسرا سب سے بلند پہاڑ بھی ہے۔

الپائن روڈ پر سفر جھیل سے شروع ہوتا ہے اور جھیل پر ہی ختم ہوتا ہے۔ واٹسمان پہاڑ کے دامن میں واقع کوئنش زے جھیل کا شمار جرمنی کی ان جھیلوں میں ہوتا ہے، جہاں کا پانی سب سے زیادہ صاف و شفاف اور تروتازہ ہوتا ہے۔