جرمنی کے دس انوکھے مشروبات

جرمنی میں ایپل جوس یعنی سیب کے رس کو عموماﹰ ’اسپارکلنگ واٹر‘ کے ساتھ پیا جاتا ہے۔ جوس کو پانی کے ساتھ ملانے کو جرمن زبان میں ’شورلے‘ کہا جاتا ہے۔

دنیا بھر میں جرمنی اپنے بیئر کی مختلف اقسام کی وجہ سے بھی مشہور ہے۔ برلینر وائسے، تین فیصد الکوہل کے ساتھ ایک کھٹی سفید بیئر ہے۔ برلینر وائسے عموماﹰ رس بھری سیرپ کے ساتھ سرخ اور سبز رنگ میں نوش کی جاتی ہے۔

لائم سوڈا کے ساتھ بیئر ’راڈلر‘ کہلاتی ہے۔ جرمنی میں یہ مشروب نہ صرف عام ہے بلکہ اس کو بہت پسند کیا جاتا ہے۔ جرمن زبان میں راڈلر لفظ کا مطلب سائیکل چلانے والا شخص ہے۔ کہا جاتا ہے کہ سائکلسٹ اکثر وقفے کے دوران یہ مشروب شوق سے پیتے ہیں۔

راڈلر کی طرح مکس بیئر کی دیگر مختلف اقسام بھی ہیں۔ جیسے کہ ’بنانا وائسن‘ یعنی کیلے کے جوس کے ساتھ سفید بیئر۔

ڈیزل بیئر کا مطلب یہ نہیں کہ بیئر میں ڈیزل ملا دیا جائے بلکہ سیاح بیئر کے ذائقے میں مٹھاس لانے اور الکوحل کے اثر میں کمی لانے کے لیے سافٹ ڈرنک کولا کا استعمال کیا جاتا ہے۔

جرمن افراد سافٹ ڈرنک ’کولا‘ کو ’فنٹا‘ کے ساتھ ملا کر پیتے ہیں۔ کولا-فنٹا مکس مشروب کو ’اشپیژی‘ کہا جاتا ہے۔

برلن کی نائٹ لائف سے لطف اندوز ہونے والے افراد اور کمپیوٹر ہیکرز کلُب ماٹے کا بہت زیادہ استعمال کرتے ہیں۔ کلُب ماٹے میں شامل کیفین سے اکثر کام کرنے کی صلاحیت اور توجہ بڑھ جاتی ہے۔

جرمنی کے بیشتر ریستورانوں کے مینئو کارڈز پر مشروبات کی فہرست میں ’کیبا‘ کا نام دیکھتے ہی اکثر سیاح پریشان ہو کر پوچھتے ہیں، یہ ’کیبا‘ کیا ہے؟ جرمنی کا یہ منفرد مشروب ’کیبا‘ دراصل چیری اور کیلے کا مکس جوس ہے۔

یہ مشروب کرم کلے سے نکالے گئے رس کا خمیر بنا کر تیار کیا جاتا ہے۔ اسے قدیم طب کی اصطلاح میں معجزاتی علاج بھی کہا جاتا ہے۔ یہ مشروب گرچہ جرمن باشندوں میں بہت زیادہ مقبول نہیں ہے تاہم یہ آرگینک شاپس اور صحت اور بیوٹی سے متعلق مصنوعات کی ہر چھوٹی بڑی دکانوں میں دستیاب ہے۔

مُکے فک ڈرنک کو جو کے شربت سے تیار کیا جاتا ہے۔ یہ اسٹرانگ کافی کو ناپسند کرنے والے افراد کے لیے ایک متبادل ڈرنک ہوسکتا ہے۔