جماعت اسلامی نے کراچی اور حیدرآباد میں انتخابات کا بائیکاٹ کر دیا

جماعت اسلامی کے امیر سید منور حسن نے ہفتے کے روز اپنی ایک پریس کانفرنس میں الزام لگایا کہ ان کے حامیوں کو کراچی اور حیدرآباد میں ووٹ ڈالنے سے روکا جا رہا ہے۔ انہوں نے کہا کہ ان دونوں شہریوں میں متعدد پولنگ اسٹیشنوں پر کھل کر دھاندلی کی اطلاعات بھی موصول ہوئیں ہیں، جس کے تناظر میں جماعت اسلام ان دونوں شہروں میں اپنے تمام امیدواروں کے نام واپس لے رہی ہے۔ انہوں نے کہا کہ ان کی جماعت الیکشن کمیشن کے صوبائی دفتر کے باہر دھرنا بھی دے گی۔

اس سے قبل متحدہ قومی موومنٹ کی جانب سے بھی ایک پریس کانفرنس میں شہر میں چند پولنگ اسٹیشنوں پر ووٹنگ کے عمل میں تاخیر پر تحفظات کا اظہار کرتے ہوئے اسے اپنی جماعت کے مینڈیٹ پر ’شب خون‘ مارنے کی سازش قرار دیا گیا۔ اس پریس کانفرنس میں متحدہ قومی موومنٹ کے رہنما ڈاکٹر فاروق ستار نے کہا کہ ایم کیو ایم کے ووٹروں کو ووٹ ڈالنے سے روکا جا رہا ہے۔

فاروق ستار کا کہنا تھا کہ جب الیکشن کے حوالے سے بد انتظامیوں اور پولنگ اسٹیشنوں پر پولنگ سامان کے نہ پہنچنے سے متعلق الیکشن کمشنر فخرالدین جی ابراہیم سے رابطہ کیا گیا تو ان کا کہنا تھا کہ یہ کام ملکی فوج کے سپرد کیا گیا تھا۔

(at/shs (dpa, DW