شمالی ایران میں شدید سیلاب، نظام زندگی متاثر

ایران میں ویک اینڈ پر پینتیس گھنٹوں میں تین سو ملی میٹر بارش ریکارڈ کی گئی۔ ان بارشوں کی وجہ سے کئی شہروں میں سیلاب کی صورت حال پیدا ہو گئی ہے۔ دریا، ندیاں اور نالے سیلابی ریلوں سے ابل پڑے۔ یہ تصویر گلستان صوبے کے شہر اَق قلا کے نواحی علاقے میں میں کھڑے پانی کی ہے۔

شدید بارشوں کے بعد مختلف ایرانی صوبوں کے تقریباً سبھی دریاؤں میں پانی کی سطح بلند ہوئی۔ مختلف دریاؤں پر قائم ڈیم بھی پانی سے بھر گئے۔ سیلابی پانی دیہاتی و شہری علاقوں میں پھیلتا گیا۔

گلستان صوبے کے دریاؤں میں بہنے والے سیلابی پانی نے کھڑی فصلوں کو تباہ کیا۔ کئی شہروں اور قصبات کو اپنی لپیٹ میں لے لیا۔ مختلف شہروں کی گلیاں ندیوں کی صورت اختیار کر گئیں اور لوگوں کا باہر نکلنا محال ہو کر رہ گیا۔

سیلاب کے بعد کی صورت حال سے نمٹنے کے لیے ایران کی مرکزی حکومت بھی صوبائی حکومتوں کے ساتھ امدادی عمل میں شریک ہوئی۔ خوزستان صوبے کے سَرخس مقام پر ہیلی کاپٹر سے متاثرین کو مدد فراہم کی گئی۔

ایرانی دارالحکومت تہران کے نواحی شہر کرج میں بھی شدید بارشوں سے نظام زندگی متاثر ہوا۔ سڑکوں پر کھڑے پانی سے ٹریفک سمیت شہریوں کے روزمرہ کے معمولات متاثر ہوئے۔

ایران کے جنوب، مشرق و شمال میں خاص طور پر فارس، جیلان، گلستان اور خوزستان صوبے شدید متاثر ہیں۔ مختلف ڈیموں میں پانی کی سطح بند سے بلند ہوئی اور وہ اورفلو ہو گئے۔ اس تصویر میں سیلابی پانی ایک شہر گنبدِ کاؤس میں سے گزرتا ہوا۔

ایک اور ایرانی صوبے فارس میں بھی شدید بارشوں کے بعد سیلابی صورت حال نے تباہی مچا دی ہے۔ فارس میں کم از کم گیارہ انسانی جانیں سیلابوں اور بارشوں کی نذر ہوئی ہیں۔ تین درجن کے قریب افراد زخمی ہیں۔ اس کے ایک شہر جھرم کے باسیوں کو سیلابی پانی نے گھروں میں رہنے پر مجبور کر دیا۔

ایران کے کئی صوبوں کو شدید بارشوں اور دریائی سیلابوں سے شدید مالی نقصان کا سامنا ہے۔ جیلان صوبے میں سیلابی پانی سے مکانات کی تباہی کے علاوہ سڑکیں بھی شدید ٹوٹ پھوٹ کا شکار ہوئیں۔ ابھی تک مجموعی نقصان کا اندازہ نہیں لگایا جا سکا ہے۔