غیر ملکی مہاجرت کی وجہ سے کینیڈا کی آبادی میں ریکارڈ اضافہ

کینیڈا میں حکومت کا کہنا ہے کہ مہاجرت کے سبب ملکی آبادی میں پہلی مرتبہ ایک ملین سے زائد افراد کا اضافہ ہوا۔ کینیڈا کے ادارہ شماریات نے کہا ہے کہ اندازوں کے مطابق سن دو ہزار بائیس میں ملک میں ایک ملین اور اندازوں کے مطابق تقریباﹰ چار ملین افراد کا اضافہ ہوا ہے۔ کینیڈا کی آبادی میں یہ دو اعشاریہ سات فیصد کا حالیہ اضافہ سن انیس سو ستاون کے بعد ہونے والا سب سے بڑا اضافہ ہے۔  اُس سال جنگ کے خاتمے اور بڑے پیمانے پر مہاجرت کی وجہ سے آبادی میں تین اعشاریہ تین فیصد اضافہ ہوا تھا، کینیڈا کی تاریخ میں اس سال کو "بے بی بوم" کے نام سے یاد رکھا گیا ہے۔

کینیڈا: سپریم کورٹ میں پہلا بھارتی نژاد مسلم جج نامزد

شماریات کے ادارے کے مطابق، ''سن دوہزار بائیس میں کینیڈا کی آبادی میں ریکارڈ اضافے کی وجہ کچھ مختلف تھی کیونکہ اس سال ہونے والے مجموی اضافے کے پچانوے اعشاریہ نو فیصد میں صرف بین الاقوامی مہاجرت حصہ دار تھی۔ اور اس کی وجہ کینیڈا کی طرف سے لیبر قوانین میں برتی گئی نرمی تھی۔‘‘

نرسنگ اسٹاف کی کمی، کینیڈا میں ایمرجنسی وارڈز بند ہونے لگے

اس ادارے کے مطابق، ''بڑی تعداد میں خالی آسامیاں اور ملازمین کی کمی کا مسئلہ ایک ایسے وقت پر سامنے آئے ہیں، جب مقامی آبادی تیزی سے بڑھاپے کی جانب گامزن ہے اور بے روزگاری میں کمی ریکارڈ سطح پر ہے۔‘‘

آبادی میں اضافے کی دو اعشاریہ سات فیصد شرح نےکینیڈا کو دنیا کے آبادی کے لحاظ سے ترقی کرنے والے اولین بیس ممالک میں شامل کردیا ہے۔ اس سے قبل آبادی میں اضافے کی تیز رفتار رکھنے والے تقریباً تمام ممالک افریقہ میں تھے۔ اداری شماریات کے مطابق، ''اگر یہ اضافہ  آنے والے سالوں میں مستقل رہا تو آبادی میں اضافے کی اس طرح سے تقریباً 26 سالوں میں کینیڈا کی آبادی  دوگنی ہو جائے گی۔‘‘

ش ر⁄ ر ب ( ڈی پی اے)