معجزہ رونما نہ ہوا، پاکستان عالمی کپ سے باہر

لندن کے تاریخی کرکٹ گراؤنڈ لارڈ میں پاکستانی قومی کرکٹ ٹیم کا مقابلہ بنگلہ دیش کے ساتھ تھا۔ یہ پاکستان اور بنگلہ دیش دونوں کا ہی آخری گروپ میچ تھا۔

اس میچ میں اچھے نیٹ رن ریٹ کے ساتھ جیت کر ہی پاکستانی ٹیم سیمی فائنل تک رسائی حاصل کر سکتی تھی لیکن یہ ایسا نہ ہو سکا۔ یوں کھیلے بغیر ہی نیوزی لینڈ کی ٹیم نے سیمی فائنل میں اپنی جگہ پکی کر لی ہے۔

اگرچہ بنگلہ دیش کے خلاف میچ میں پاکستانی بلے بازوں نے اچھی کارکردگی دکھائی اور مجموعی طور پر 315 رنز بنائے۔ اس میں اوپنر کھلاڑی امام الحق کی عمدہ سنچری بھی شامل تھی۔ وہ سو رنز بنا کر آؤٹ ہوئے۔

دیگر بلے بازوں میں بابر اعظم نے چھیانوے رنز بنائے جبکہ عماد وسیم نے 43 رنز کی جارحانہ اننگز کھیلی۔ بنگلہ دیش کی طرف سے مستفیض الرحمان نے پانچ کھلاڑیوں کو آؤٹ کیا۔ سیمی فائنل میں رسائی حاصل کرنی والی ٹیموں میں بھارت، انگلینڈ، آسٹریلیا اور نیوزی لینڈ ہیں۔