نواز شریف علاج کے لیے بیرون ملک روانہ

نواز شریف کو قطر کے شاہی خاندان کی ایئر ایمبولینس کے ذریعے برطانیہ لے جایا گیا۔ لاہور سے انہیں مسلم لیگ ن کی سینیئر قیادت نے رخصت کیا۔

اس موقع پر مسلم لیگ کے رہنما احسن اقبال نے کہا کہ نواز شریف کو پندرہ روز پہلےعلاج کے لیے روانہ ہو جانا تھا لیکن حکومت نے جان بوجھ کر اس میں دیر کی اور اب انہیں ایئر ایمبولینس کے ذریعے جانا پڑا۔

 سابق وزیراعظم نواز شریف کی بیرونِ ملک ہفتے کو روانگی لاہور ہائی کورٹ کی طرف سے اجازت کے بعد ممکن ہوئی۔ عدالت نے حکومت کی طرف سے مشروط اجازت کے خلاف فیصلہ سناتے ہوئے انہیں چار ہفتوں کے لیے ملک سے باہر جانے کی اجازت دی ہے۔

ادھر پی ٹی آئی حکومت کے وزرا نے نواز شریف کی روانگی پر تنقید کی ہے۔