نواز شریف کا جہاز لاہور میں لینڈ کر گیا

پاکستان کے سابق وزیر اعظم اور پاکستان مسلم لیگ نون کے رہنما محمد نواز شریف لندن سے اتحاد ایئر ویز کی پرواز کے ذریعے براستہ ابوظہبی لاہور پہنچ گئے ہیں۔ ان کا جہاز اس وقت لاہور کے ایئر پورٹ پر موجود ہے تاہم وہ ابھی تک طیارے سے باہر نہیں آئے۔

اطلاعات کے مطابق پاکستان کے قومی احستاب بیورو NAB کی طرف سے ٹیمیں لاہور اور اسلام آباد کے ایئرپورٹس پر موجود ہیں۔ اس کے علاوہ دونوں ایئرپورٹس پر خصوصی ہیلی کاپٹرز بھی موجود ہیں جن کے ذریعے نواز شریف اور ان کی صاحبزادی مریم نواز کو اڈیالہ جیل منتقل کیا جائے گا۔

دوسری طرف لاہور میں پاکستان مسلم لیگ نون کے کارکنوں کی ایک بڑی تعداد لاہور ایئرپورٹ کے باہر موجود ہے جو اپنے رہنما کو خوش آمدید کہنے کے لیے وہاں موجود ہیں۔ کسی ممکنہ تصادم سے بچنے کے لیے سکیورٹی کے سخت اقدامات کیے گئے ہیں۔