ڈی ڈبلیو بنگالی سروس کے سابق رکن کا ڈھاکہ میں قتل

پولیس افسر امام حسین کے مطابق پولیس قتل کی تفتیش کر رہی ہے۔ اب تک اس صحافی جوڑے کی قتل کی وجہ معلوم نہیں ہو سکی ہے۔ غلام مصطفیٰ سرور، جو ساگر سرور کے نام سے مشہور ہیں، کی اہلیہ مہرون رونی اے ٹی این بنگلہ ٹی وی کے لیے کام کرتی تھیں۔ وزیر اعظم شیخ حسینہ نے سرور اور ان کی اہلیہ کی ہلاکت پر ان کے خاندان کے لیے تعزیتی پیغام بھیجا ہے۔

خبر رساں ادارے ڈی پی اے نے بتایا ہے کہ سرور اور ان کی اہلیہ پر چاقو کے متعدد وار کیے گئے تھے۔ پولیس نے اس واقعے کی تحقیقات کے سلسلے میں دو افراد کو گرفتار کیا، جن میں سے ایک بلڈنگ کا سکیورٹی گارڈ ہے۔ بنگلہ دیش کی وزیر اعظم نے بھی قتل کی فوری تحقیقیات کا حکم دے دیا ہے۔ واقعے کی اطلاع سرور کے پانچ سالہ بیٹے نے دی تھی۔

رپورٹ: شامل شمس ⁄ ڈی پی اے، اے پی

ادارت: شادی خان سیف