کیا جیو کے فوج سے معاملات طے پا گئے؟

خبر رساں ادارے رائٹرز نے دعویٰ کیا ہے کہ ان کو معاملات طے پانے کے حوالے سے معلومات رکھنے والے دو افراد نے نام مخفی رکھنے کی شرط پر بتایا ہے کہ مارچ کے آواخر میں جیو نیوز کو نا اہل قرار دیے گیے سابق وزیر اعظم نواز شریف کے حق میں کوریج کرنے اور ملکی اعلیٰ عدالت سمیت ’اسٹیبلیشمنٹ‘ پر تنقید کی وجہ سے فوج کی جانب سے دباو تھا کہ اس کی نشریات کو بند کر دیا جائے۔ 

روئٹرز کے مطابق گزشتہ ہفتے جیو کی مینیجمنٹ کی جانب سے اسٹاف کو جو ہدایات موصول ہوئیں، ان میں وہ ادارتی نکات شامل تھے جن کے تحت اب ادارے میں کام کیا جائے گا اور جو نشریات کی بحالی کی بحالی کے لیے نافذ کرنا بھی ضروری تھے۔

ان میں ’اسٹیبلیشمنٹ‘ یعنی فوج کی منفی تصویر کشی اور ملک کی اعلیٰ عدالت پر سیاست میں مداخلت جیسے الزامات عائد کرنے پر مکمل پابندی عائد ہوگی۔ اس کے علاوہ نواز شریف پر چلنے والےکرپشن کے مقدمات کی بھی ایسی کوئی رپورٹ نہیں نشر کی جائے گی جو اس بیانیے کو تقویت دے کہ نواز شریف یا ان کی اولاد بے قصور ہیں۔ 

روئٹرز کے اس ڈیل کے حوالے سے معلومات فراہم کرنے والے دونوں افراد کے مطابق کمپنی نے ان مطالبات کو  بادل نخواستہ منظور کر لیا ہے تاہم ابھی کوئی حتمی معاہدہ نہیں طے پایا ہے اور صورتحال میں ابھی بھی کوئی تبدیلی آسکتی ہے۔ تاہم ایک ذریعے کے مطابق جیو کی نشریات کی بحالی کے پیچھے چینل کی جانب سے مطالبات کی منظوری ہی اصل وجہ ہے۔

خبر رساں ادارے کے مطابق اس معاملے میں فوج کی شمولیت کے سوال پر جیو ٹی وی نیٹ ورک کے صدر عمران اسلم نے اپنا جواب دینے سے معذرت کر لی تاہم جیو کے ترجمان کے جاری بیان کے مطابق ’ جیو ہمیشہ کہانی کے دونوں رخ پیش کرنے  اور آزاد ادارتی پالیسی  پر کاربند رہنے کی کوشش کرتا رہے گا۔ اگر ہمیں اپنی اس آزادی سے دست بردار ہونا پڑا تو اس کے بجائے ہم چینل کو خود ہی بند کر دیں گے۔‘   

جیو کی نشریات کیا فوج کے کہنے پر بند کی گئیں؟

ڈاکٹر شاہد مسعود کے انکشافات، معاشرہ اور صحافتی برادری تقسیم

ملک کے 80 فیصد علاقے میں جیو کی نشریات کی معطلی اور ملکی میڈیا پر بڑھتی سینسر شپ پر اکثر حلقوں کی جانب سے تحفظات کا اظہار کیا جا رہا ہے۔ اسی حوالے سے سماجی رابطے کی ویب سائٹ ٹوئٹر پر ایک صارف اپنے ٹوئٹ میں کہتے ہیں کہ اکیلا جنگجو مارا گیا؟ جیو نیوز فوج کے ساتھ بات چیت کے بعد واپس آن ائیر ہو گیا۔   

ماروی سرمد اپنی ٹوئٹ میں ایک سوال اٹھاتے ہوئے لکھتی ہیں کہ کیا جیو کی پاکستان مسلم لیگ نواز کے حق میں ، پاکستان تحریک انصاف  اور عدالت کے خلاف کمنٹس کے حوالے سے ہونے والی ڈیل کا اطلاق ٹوئٹس پر بھی ہے؟ اگر نہیں تو عمر چیمہ سے اپنی ٹوئٹس ہٹانے کے لیے کیوں کہا گیا؟  اگر نہیں تو میرا یقین کریں کہ جنگ اور جیو کے یہ چند لوگ اسٹیبلیشمنٹ کو اپنی ٹوئٹس کے ذریعے بھون کر رکھ دیں گے۔

ایک سماجی ایکٹیویسٹ اپنی ٹوئٹ میں لکھتے ہیں کہ آخر کار جیو واپس آن ائیر ہو گیا ہے۔ یہ وقت ہے خود کو یاد دہانی کروانے کا کہ دنیا کے کسی بھی حصے میں میڈیا آزاد نہیں ہے،  

ڈان نیوز کے ایک  سینئیر ایڈیٹر اپنی رائے کا اظہار کرتے ہوئے ٹوئٹ کرتے ہیں،

ع ف / ع ق (رائٹرز)