یورینس سیارے کی دریافت شدہ بُو کی شناخت مکمل

نظام شمسی کے سیارے یورینَس پر کیمیائی مرکب ہائیڈروجن سلفائیڈ کے بادلوں کی موجودگی کے بعد سائنسدانوں کو یہ انکشاف کرنے ہوئے آسانی ہوئی کہ اس سیارے پر گندے انڈے کی بو کی وجہ یہی گیس ہے۔ عام تجربہ گاہوں میں ہائیڈروجن سلفائیڈ نامی گیس کی بنیادی شناخت گندے انڈوں کی تیز اور چُھبنے والی بدبو سے ہوتی ہے۔

’نئی زمینیں تلاش کرنے میں جا رہا ہوں‘

آٹھویں سیارے کی دریافت میں ناسا نے مصنوعی ذہانت استعمال کی

نظام شمسی سے باہر زمین سے ملتے جلتے سیارے کی دریافت

ناسا نے زمین جیسے دس نئے سیارے دریافت کر لیے

امریکی خلائی ادارے ناسا نے ایک دہائی کے مطالعے کے بعد یہ معلومات عام کی ہے۔ یورینَس کے بارے میں معلومات تحقیقی خلائی جہاز وائجر ثانی سے حاصل کی گئی ہیں۔ یہ خلائی ہوائی جہاز بیس اگست سن 1977 کو نظام شمسی کے سیارے یورینَس کی جانب روانہ کیا گیا تھا۔

اس سیارے سے حاصل ہونے والی معلومات اور تصاویر پر سائنسدانوں کا ایک گروپ مسلسل تحقیقی عمل جاری رکھے ہوئے ہے۔ یہ تحقیقی عمل امریکی ریاست کیلیفورنیا میں قائم جیٹ پروپلشن لیبارٹری میں جاری ہے۔ اس کے علاوہ امریکی ریاست ہوائی میں کوہِ کیآ پرنصب انتہائی بڑی دوربین ’جیمینئی نارتھ‘ سے بھی مدد لی گئی۔

امریکی خلائی ادارے ناسا کے ماہرِ طبیعات گلین اورٹن کا کہنا ہے کہ کئی برسوں سے یورنس کی سطح پر چھائے  ہائیڈروجن سلفائیڈ کے گھنے بادل سیارے کے مجموعی ریڈیو اسپیکٹرم کو متاثر کیے ہوئے ہیں لیکن پہلے اس بُو کے حتمی ہونے کی شناخت نہیں ہو سکی تھی۔ اورٹن کے مطابق مجموعی ریسرچ سے سیارے کی سطح پر چھائے معمے کو حل کرنے میں مدد ملے گی۔ یہ امر اہم ہے کہ یورینس اور نیپچون نامی سیاروں میں ایک قدر مشترک ہے اور وہ ان پر ہائیڈروجن سلفائیڈ گیس کی موجودگی ہے۔

ناسا کی محققین نے ان دونوں سیاروں پر ہائیڈروجن سلفائڈ کے بادلوں کے اوپر امونیا گیس کی موجودگی کو بھی دریافت کیا ہے۔ ناسا کی پریس ریلز کے مطابق ابتدا میں ایک ٹیم کا خیال تھا کہ یورینس پر پائی جانے والی بو کی وجہ امونیا گیس بھی ہو سکتی ہے۔ سورج کے قریب کے دو سیاروں مشتری اور زحل پر امونیا گیس کی موجودگی پہلے ہی دریافت کی جا چکی ہے۔

ریسرچرز کا خیال ہے کہ ان سیاروں پر امونیا اور ہائیڈروجن سلفائیڈ کی موجودگی یقینی طور پر ان سیاروں کی تشکیل اور پس منظر کے بارے میں معلومات فرہم کر سکتی ہیں۔ یورینَس نظام شمسی کا ساتواں سیارہ ہے۔ اس کا قطر زمین سے چار گنا بڑا ہے۔

زحل کی طرح یورینَس سیارے کا بھی رِنگ نظام موجود ہے۔ زحل کے مقابلے میں یورینَس کے گرد موجود رِنگ انتہائی کمزور ہے اور اسی باعث یہ مشکل سے دکھائی دیتا ہے۔ اس سیارے کی سطح انسانی حیات کے لیے دوست نہیں بلکہ ناممکن ہے۔ مجموعی ماحول انتہائی ناخوشگوار اور بدبور دار ہے۔

ڈارکو ژانژیوِچ اور ڈی پی اے (عابد حسین)