ኢትዮጵያ አኅጉራዊውን የቻን ውድድር ለማዘጋጀት አልጠየኩም አለች

 የአፍሪቃ እግር ኳስ ኮንፌዴሬሽን በድረ-ገፁ ከኬንያ የተነጠቀውን ውድድር ለማዘጋጀት ማመልከቻቸውን አቅርበዋል ካላቸው አገራት መካከል ኤኳቶሪያል ጊኒ እና ሞሮኮ ይገኙበታል። የአፍሪቃ እግር ኳስ ኮንፌዴሬሽን የሥራ አስፈጻሚ ኮሚቴ ባለፈው መስከረም ባካሔደው ጉባኤ የውድድሩን አዘጋጅ አገር በ15 ቀናት ውስጥ አሳውቃለሁ ብሎ ነበር። ውድድሩን ልታዘጋጅ ተመርጣ የነበረችው ኬንያ አስፈላጊ ቅድመ-ሁኔታዎችን ባለማሟላቷ እድሉን ተነጥቃለች። የአፍሪቃ እግር ኳስ ኮንፌዴሬሽን የሚያዘጋጀው እና ቻን በሚል መጠሪያው የሚታወቀው ውድድር 16 ሐገራት ይሳተፋሉ። ሐገራቱ የሚመርጧቸው ተጨዋቾች ግን በአገራቸው ክለቦች ውስጥ የሚጫወቱ ብቻ ናቸው። በዛሬው የስፖርት መሰናዶ ይኸንን ጨምሮ ዓለም አቀፍ ዜናዎች ተካተውበታል። 
ሐይማኖት ጥሩነሕ
እሸቴ በቀለ
ነጋሽ መሐመድ