የታኅሣሥ 26 ቀን፣ 2013 ዓ.ም ስፖርት ዘገባ

በአዉሮጳዉያኑ የገና እና የአዲስ ዓመት በአላት ምክንያት ተቋርጠዉ የነበሩት አንዳንድ የአዉሮጳ የእግር ኳስ የሊግ ዉድድሮች ወደ ሜዳ ተግባር በመመለስ ላይ ሲገኙ በጀርመን ቡንደሊስ ሊጋ የአምናዉ ሻንፒዮና ባየር ሙኒክ በአዲሱም ዓመት ኃያልነቱን ቀጥሎበታል። ሜንዝ 05 ን አምስት ለሁለት ( 5 -2 ) በሆነ ዉጤት ሲረታ፤ የዓለማችን የዓመቱ ምርጥ አጥቂ ሮበርት ሊቫዶቭስኪም ጎል ማምረቱን ተያይዞታል። ዶርትሙንድም በሳምንቱ መጨረሻ ደረጃዉን አሻሽሎአል። በእንጊሊዝ ፕሬሜር ሊግ ሊቨርፑል ዛሬ ምሽት ወሳኝ ፍልምያ ይጠብቀዋል። ዘረኝነትን የተላበሰ መልዕክትን በማኅበራዊ መገናኛ ዘዴዎች ተጠቅመህ አስተላልፈሃል በሚል በእንጊሊዝ የእግርኳስ ፌደሬሽን የሦስት ጨዋታዎች ቅጣት የተጣለበት ኤድሰን ካቫኒን  ያላሰለፈዉ ማንችስተር ዩናይትድ አስቶን ቪላን በማሸነፉ በደረጃዉ ሰንጠረዥም ሁለተኝነት ላይ ለመቀመጥ ችሎአል።

ባሳለፍነዉ የ2020 ዓ.ም በዓለማችን በተከሰተዉ የኮሮና ወረርሽኝ ሳብያ በርካታ ዓለምአቀፋዊ እና አህጉራዊ ስፖርታዊ ዉድድሮች መሰረዛቸዉ እና ወደ ሌላ ጊዜ በመዛወራቸዉ ሳብያ ዓመቱ ለኢትዮጵያዉያን አትሌቶች እንዴት አልፎ ይሆን? በዚሁ ጉዳይ ላይ ከኢትዮ-ራነርስ ፋን ከተሰኘዉ ድረ-ገጽ አዘጋጅ ከሆነዉ  ከወንድማቸዉ ጌታቸዉ ጋር ቆይታ አድርገናል። የፊታችን እሁድ በአዲስ አበባ የሚካሄደዉ የታላቁ ሩጫ በኢትዮጵያ ዓለምአቀፍ የ10 ኪሎሜትር ዉድድርን በተመለከተ አዘጋጆችን አነጋግረናል።

ሃይማኖት ጥሩነህ

ነጋሽ መሐመድ