የጀርመን ውጭ ጉዳይ ሚኒስትር የፈረንሳይ ጉብኝት 

አዲሷ የጀርመን ውጭ ጉዳይ ሚኒስትር አነሌና ቤርቦክ የመጀመሪያው የስራ ጉዞአቸውን ወደ ጎረቤት ፈረንሳይ አድርገዋል። የጀርመን የቅርብ ወዳጅ ፈረንሳይን ዛሬ የጎበኙት የጀርመን የአረንጓዴዎቹ ፓርቲ መሪ ቤርቦክ ዓለማችንን ለተለያዩ ተፈጥሮአዊ ችግሮች የሚዳርገውን የአየር ንብረት ለውጥ መከላከል በዲፕሎማሲያዊ አጀንዳቸው አጽንኦት የሚሰጡት ጉዳይ መሆኑን ከጉዞአቸው በፊት ጠቁመዋል። ትናንት ሃላፊነታቸውን የተረከቡት ቤርቦክ ከፈረንሳዩ አቻቸው ዦን ኢቭ ለድሪያን ጋር ፓሪስ ውስጥ በሰጡት ጋዜጣዊ መግለጫ እንዳሉት ከተወያዩባቸው ጉዳዮች መካከል ሁለቱ ሃገራት የሚጋሯቸው የጋራ ግቦች እና ተፈጥሮ ጥበቃ ፖሊሲ ይገኙበታል።ቤርቦክ ዛሬ ብራሰልና ጎረቤት ፖላንድም ነበሩ። ስለ መጀመሪያው የቤርቦክ የፓሪስ ጉብኝት የፓሪስዋን ዘጋቢያችንን ሃይማኖት ጥሩነህን በስልክ አነጋግረናታል። 

ሃይማኖት ጥሩነህ 
ኂሩት መለሰ
ማንተጋፍቶት ስለሺ