1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaGabas ta Tsakiya

Adadin mutane da Isra'ila ta kashe a Gaza ya dara dubu 45

Salihu Adamu Usman
December 26, 2024

Tun bayan harin Hamas na bakwai ga Oktoban 2023 ne Isra'ila ta ke ta ruwan wuta kan zirin Gaza.

https://p.dw.com/p/4oasp
Firaministan Isra'ila Benjamin Netanyahu
Firaministan Isra'ila Benjamin NetanyahuHoto: Uncredited/Israeli Government Press Office/AP/dpa/picture alliance

Rahotanni dake fitowa daga Gaza sun bayyana adadin mutane da Isra'ila ta halaka a yakin da ta ke yi da Hamas ya kai 45,399.

Ma'aikatar Lafiya a Gaza ta ce a cikin sa'o'i 24 kadai Isra'ilar ta yi ruwan wuta kan mutum 38 a yankuna daban-daban na zirin Gaza.

Isra'ila ta kashe akalla mutum 22 a zirin Gaza

Har ila yau, hukumomin lafiyar sun ce adadin mutane da suka samu raunuka ciki har da yara da mata ya kai 107,940 a cikin watanni 14 da fara yakin wato tun bakwai ga watan Oktoban 2023 kenan.

Wata kafar talabijin a zirin ta bada rahoton kashe mata 'yan jarida biyar a wani hari da Isra'ila ta kai a tsakiyar Gaza.

Tattaunar Qatar ta gaza cimma daidaiton tsayar da yakin Gaza

Majalisar Dinkin Duniya da kungiyoyin duniya daban-daban sun yi ta kiran a tsagaita wuta da kuma dakatar da yakin Gaza amma kiran nasu bai sauya komai ba.