Аеродромот во Берлин парализиран од штрајк

На аеродромот Берлин-Бранденбург (БЕР) во германскиот главен град денеска а далеку помирно од вообичаеното. Поради предупредувачки штрајк, патничките авиони нема да полетуваат ниту да слетуваат. Со оглед на тоа што преговорите за новиот колективен договор за вработените во копнените услуги, аеродромската компанија и воздухопловната безбедност очигледно не постигнуваат решавачки напредок, синдикатот вер.ди организира целодневен предупредувачки штрајк. Од него се погодени околу 6.000 вработени и околу 35.000 патници.

„Предупредувачкиот штрајк нема прифатлива основа“

„Поради најавениот предупредувачки штрајк на аеродромот Берлин-Бранденбург, во среда, на 25 јануари 2023 година не се можни патнички летови“, соопшти БЕР по соопштението на Верди на почетокот на неделата. Аеродромската компанија за ова ги информираше своите партнери, како што се авиокомпаниите, давателите на копнени услуги, сигурносните компании и локалните бизниси. Според БЕР, биле планирани околу 300 полетувања и слетувања. „Погодените патници се замолуваат да контактираат со нивната авиокомпанија за да дознаат за пререзервации и алтернативните опции за патување.“ Според синдикатот, предупредувачкиот штрајк започнува со почетокот на раната смена и завршува доцна навечер. „Штрајкувачите се собраа од 8 часот утрината пред зградата на терминалот на Вили-Бранд-Плац, каде се одржa штрајкувачки протест од 10 до 11.30 часот.

Синдикатот очекува до 1.500 учесници. „Да се опише еднодневниот штрајк како предупредувачки штрајк е невообичаено“, вели извршниот директор на Луфтханза, Карстен Шпор. Како последица т на тоа, главниот град ќе биде отсечен од надворешниот свет во однос на воздушниот сообраќај. Затоа што: за да се одржат редовните летови, вработените засегнати од преговорите за нов колективен договор работат на премногу централни места.

Копнените служби се одговорни за полнење гориво, како и за утовар и истовар на авионите и чекирање на патници. Аеродромската компанија ги вработува контролорите на летање, безбедните службеници на аеродромот, како и персоналот на противпожарната бригада.

Германското здружение на аеродроми АДВ критикуваше дека предупредувачкиот штрајк е несоодветен и нема прифатлива основа. „Наместо да се разговара за различни тарифни идеи на заедничка преговарачка маса, аеродромот во главниот град на Германија се злоупотребува како јавна платформа“, рече управниот директор на АДВ Ралф Бајзел.

Никакво решение не е на повидок во сите три области 

Вер.ди бара 500 евра повеќе месечни примања за вработените во копнените служби со договор во период од дванаесет месеци. Работодавачот, пак, бара постепено зголемување на платите, за време од 36 месеци и воведување нивоа на искуство. Во BБЕР компаниите  Свиссорт, Ерлајн Асистанс Свицерланд и Висаг моментално се одговорни за копнените услуги.

Од почетокот на декември се водат преговори за околу 2.000 вработени. За вработените во аеродромската компанија синдикатот исто така се залага за 500 евра повеќе месечно со договор од дванаесет месеци. „Сегашните идеи на работодавачот се далеку зад барањата на вработените и во однос на зголемувањето на платите и во однос на времетраењето“, соопштија од вер.ди.

Во вториот круг преговори, работодавачот предложи три отсто повеќе од 1 јуни и уште два отсто повеќе од 1 мај 2024 година, сите со времетраење до крајот на 2024 година. Дополнително, беше понудена и премија за компензација на инфлацијата од 2000 евра, која ќе биде ослободена од данок поради пакетите на германска влада за растоварување поради кризата.

„Според единствениот став на комисијата за колективен договар, оваа понуда е неприфатлива, недоволна и разочарувачка и по структура, износ и по времетраење“, велат синдикалците. Според вер.ди, на национално ниво се водат преговори за вработените во воздухопловната безбедност, но во седум рунди преговори „всушност, немало никаков напредок“. „До денес нема сигнал од работодавачите дека воопшто сакаат да најдат решение“, велат од синдикатот.