جرمونهآلمان
په سويډن کي د حملې په تور دوه کسان په آلمان کي محاکمه کيږي
۱۴۰۳ آبان ۲۵, جمعه
اعلان
د آلمان خبري آژانس د رپوټ پر اساس دواړه تورن کسان چې د افغانستان اصلي اوسېدونکي دي، په مارچ میاشت کې د آلمان په ختيځ ایالت تورنګين کې نيول شوي دي. پر دوی تور دی چې پلان ېې درلود د سويډن پلازمينه ستاکُهلم کې د دغه هېواد پارلمان ته نژدې ډېر کسان په ډزو ووژني.
لوېې څارنوالۍ ويلي دي چې د نيول شوو کسانو له ډلې پر یو ېې تور دی چې د «اسلامي دولت» یا داعش ډلې د خراسان څانګي (ISPK) غړی او دوهم تورن د دغې ډلې ملاتړ کوونکی دی.
څارنوالۍ د دغو کسانو عمرونه ۲۳ او ۳۰ کاله ښودلي او زیاتوي چې دوی د ۲۰۲۳م کال په دوبي کې د داعش خراسان څانګي له رهبر سره په مشوره د حملې له پاره چمتووالی نياوه.
سرچينې زیاته کړې ده چې دغه حمله په سويډن کې د قرانکریم د سوځولو په غبرګون کې پلان شوې وه.
(dpa)mks/nz