Burkina Faso kuanzisha kampeni ya chanjo dhidi ya Malaria

Ugonjwa huo bado ni sababu kuu ya vifo vya watoto wachanga katika nchi hiyo ambayo huorodhesha visa zaidi ya milioni kumi kwa mwaka.

Akiwa Magharibi mwa nchi hiyo katika mji wa Koudougou kulikozinduliwa kampeni hiyo, Waziri wa Afya wa Burkina Faso Lucien Marie Robert Kargougou ameitaja siku ya jana kuwa ya kihistoria kutokana na kile alichosema kuwa chanjo hiyo ni kinga thabiti dhidi ya malaria.

Soma pia: Chanjo ya malaria inafanya vizuri Afrika

Waziri huyo amesema jumla ya dozi 200,000 za chanjo ya RTS,S kati ya dozi 800,000 zinazotarajiwa mwaka huu, zitatolewa kwa watoto walio chini ya umri wa miaka mitano katika wilaya 27, na kwamba chanjo hiyo itasaidia kupunguza kwa kiasi kikubwa visa vya malaria na idadi ya vifo kutokana na ugonjwa huo.