1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaBurkina Faso

Burkina Faso na Urusi wajadiliana kuhusu ushirikiano

Grace Kabogo
9 Oktoba 2024

Waziri Mkuu wa Burkina Faso Apollinaire J. Kyelem de Tambela, na Waziri wa Ulinzi wa Urusi, Andrei Beleusov wamejadiliana kuhusu kuongeza uhusiano wa kijeshi.

https://p.dw.com/p/4lZBN
Rais wa Urusi Vladimir Putin na kiongozi wa kijeshi Burkina Faso IBrahim Traoré
Rais wa Urusi Vladimir Putin na kiongozi wa kijeshi Burkina Faso IBrahim TraoréPicha: Alexander Ryumin/dpa/Tass/picture alliance

Wizara ya ulinzi ya Urusi ilisema jana kuwa nchi hiyo imekuwa ikifuatilia maslahi ya kijeshi, kidiplomasia na kiuchumi barani Afrika, ikishindana na nchi za Magharibi.

Burkina Faso, chini ya utawala wa kijeshi tangu mapinduzi ya 2022, imekuwa ikiwapokea wapiganaji mamluki wa kundi binafsi la kijeshi la Urusi, Wagner.

Mwezi Juni, Urusi ilisema itapeleka vifaa zaidi vya kijeshi na wakufunzi Burkina Faso, ili kuisaidia nchi hiyo kuimarisha uwezo wake wa kiulinzi na kupambana na ugaidi.

Katika mkutano wa kilele kati ya Urusi na Afrika, mwaka 2023, Putin alisema Urusi imesaini mikataba ya kijeshi na kiufundi na nchi 40 za Afrika, ambayo inaweza kufungua mlango wa mauzo zaidi ya silaha za Urusi kwenye eneo hilo.