1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi wa Marekani 2024Mzozo wa Israel na HamasBundesliga
Sauti zetuVidio zetu
Janga

Israel imefanya mashambulio makubwa Lebanon

3 Desemba 2024

Israel imefanya mashambulio makubwa ya anga yaliyouwa watu 11 kwenye maeneo mbali mbali nchini Lebanon, kwa mara ya kwanza tangu yalipofikiwa makubaliano ya kusitisha vita na kundi la Hezbollah.

https://p.dw.com/p/4ngYg
Libanon Beirut 2024
Israel imefanya mashambulio katika maeneo mbali mbali ya LebanonPicha: Murat Sengul/Anadolu/picture alliance

Mashambulio hayo yamefanywa na Israel kama onyo kwa kile ilichosema ni kukiukwa makubaliano ya kusitisha vita.

Kundi la Hezbollah lilifyetuwa makombora mawili kuelekea eneo la Shebaa linaloshikiliwa na Israel ambalo liko kwenye mpaka kati ya Lebanon, Syria na Israel.

Wizara ya afya ya Lebanon imesema mashambulio hayo ya pande zote mbili yanatishia makubaliano yaliyofikiwa.

Israel yasema wakazi wa Lebanon wamepigwa marufuku kurejea katika vijiji kadhaa vya eneo la kusini

Wakati huohuo wanamgambo wa kipalestina wa Hamas na chama cha rais Mahmoud Abbas cha Fatah, wamekubaliana kuunda kamati ya pamoja ya kusimamia Gaza baada ya vita. Makubaliano hayo yatakayopaswa kwanza kuidhinisha na rais Abaas  yametangazwa leo na wasuluhishi.