1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
SiasaUjerumani

Scholz asisitiza ushirika na Marekani chini ya utawala mpya

20 Januari 2025

Kansela wa Ujerumani Olaf Scholz amesisitiza umuhimu wa ushirikiano wa karibu wa kisiasa na miungano imara na Marekani kuelekea kuanza kwa muhula wa pili wa rais mpya wa Marekani Donald Trump.

https://p.dw.com/p/4pMcb
Kansela Olaf Scholz
Kansela wa Ujerumani Olaf Scholz akizungumza kwenye tamasha ya kumukumbu ya miaka 80 ya kukombolewa kambo ya Auschwitz huko mjini FrankfurtPicha: Boris Roessler/dpa/picture alliance

Rais mteule wa Marekani Donald Trump anatarajiwa kuapishiwa leo Jumatatu.

Katika maelezo yaliyochapishwa na gazeti la Rheinische Post leo Jumatatu, Scholz amesema uhusiano wa mataifa hayo unabaki kuwa muhimu kwa Ujerumani na kwa mataifa ya Ulaya.

Amesema, Marekani ilichangia pakubwa katika maendeleo ya kidemokrasia Ujerumani Magharibi.

Alipogusia suala la ulinzi wa Ulaya, Scholz amesema Marekani ndio mdhamini mkuu wa NATO na kwamba ni lazima kuwepo na uhusiano thabiti kati yao lakini akizitolea mwito pia nchi za Ulaya kuwa na uwezo wa kujifanyia maamuzi zenyewe.

Scholz amesema pia kwamba alizungumza kwa njia ya simu na Trump na kuyataja mazungumzo hayo kwamba yalikuwa muhimu na yenye tija.