Khan kuzuiwa kwa wiki mbili zaidi Pakistan

Kulingana na wakili wa Khan, mahakama imetoa uamuzi huo baada ya kikao kifupi cha kusikiliza kesi katika jela la Attock mashariki mwa mkoa wa Punjab. Wakili huyo anasema kikao chengine cha kusikilizwa kwa kesi hiyo kitakuwa Septemba 2.

Uamuzi huu ni pigo kwa Khan na kikosi chake cha mawakili kwa kuwa mahakama moja Islamabad jana ilisimamisha kifungo chake cha miaka mitatu kwa madai ya ufisadi.

Wakili wake mwengine Salman Safdar amewaambia waandishi wa habari kwamba ameukatia rufaa uamuzi huo wa mahakama wa kumzuia rumande. Khan anazuiliwa kutokana na kesi ya uvujishwaji wa nyaraka za siri inayomkabili.