Mashambulizi ya Israel yaua watu Gaza, Lebanon na Syria

Watu 20 wameuawa katika vitongoji vya mji mkuu wa Syria Damascus, Mezzeh and Qudsaya, huku karibu watu 40 wakiripotiwa kuuawa usiku wa jana nchini Lebanon.

Mamlaka ya afya ya Gaza imesema watu kadhaa wameuawa katika miji ya Beit Lahia na Jabalia, huku jeshi la Israel likidai kuwa waliouawa walikuwa magaidi.

Hayo yakiarifiwa, viongozi wa mataifa 20 yanayoongoza kiuchumi duniani watajumuika nchini Brazil siku ya Jumatatu kwa mkutano wa kilele wa G20 ambao utagubikwa na tofauti zilizopo kuhusu vita huko Mashariki ya Kati pamoja na Ukraine.