1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
MigogoroSudan

Mpango wa Chakula, WFP waomba utulivu nchini Sudan

28 Oktoba 2024

Shirika la Umoja wa Mataifa la Mpango wa Chakula, WFP limezitolea mwito pande zote mbili zilizoko kwenye mapigano nchini Sudan kutowa nafasi kwa shirika hilo kufanya shughuli zake kikamilifu.

https://p.dw.com/p/4mJqd
Misaada wa shirika la WFP nchini Susan Kusini
Msafara wa malori yaliyobeba msaada wa kibinadamu uliotolewa na Shirika la Mpango wa Chakula Duniani (WFP) kwa ajili ya wakimbizi wa Sudan Kusini. Shirik hili sasa linaziomba pande zinazogombana nchini Sudan kusitisha mapigano ili kuruhusu misaadaPicha: ASHRAF SHAZLY/AFP

Shirika la Umoja wa Mataifa la Mpango wa Chakula, WFP limetoa wito huo wakati nchi hiyo ikikabiliwa na uwezekano mkubwa wa kutumbukia kwenye baa la njaa.

Mkurugenzi mtendaji wa shirika hilo Cindy McCain, ameliambia shirika la habari la AFP kwamba wanataka nafasi ya kuingia kikamilifu nchini humo pamoja na kuwa na uwezo wa kufikia vituo vingi kadri inavyowezekana, ndani ya nchi hiyo.

Pande zote kwenye mzozo wa Sudan zimetuhumiwa kufanya uhalifu wa kivita ikiwemo kuwalenga raia na kuzuia msaada kuwafikia wale wanaohitaji, sambamba na kutumia mbinu zinazosababisha mamilioni ya watu kukosa chakula.

McCain ameonya kwamba nchi nzima hivi sasa inakabiliwa na kitisho cha njaa na tayari baa la njaa limeshatangazwa katika kambi wa wakimbizi wa ZamZam kwenye jimbo la Darfur.