Rishi Sunak kukutana na Rais Emmanuel Macron mjini Paris leo

Viongozi hao wawili watakubaliana juu ya ushirikiano wa karibu wa ulinzi na usalama pamoja na usaidizi zaidi kwa Ukraine na katika kanda ya Indo-Pasifiki.

Sunak anakutana na Macron mjini Paris, akiwa ameambatana na mawaziri kadhaa, wakati mataifa hayo mawili yakijaribu kurekebisha uhusiano wake ambao ulidhoofika mara baada ya Uingereza kujiondoa Umoja wa Ulaya.

Uvamizi wa Urusi nchini Ukraine kwa kiasi fulani umeonekana kuimarisha mahusino baina ya nchi hizo mbili. Kuelekea mkutano wa leo, ofisi ya waziri mkuu Sunak, ilisema kwamba Uingereza na Ufaransa  zitaratibu utoaji wa silaha kwa Ukraine na mafunzo ya jeshi la wanamaji wa Ukraine.