1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
MigogoroSudan

Sudan yalaani vikwazo vya Marekani dhidi ya Burhan

Bakari Ubena
17 Januari 2025

Wizara ya mambo ya nje ya Sudan inayoungwa mkono na jeshi, imelaani vikwazo vilivyotangazwa Alhamisi na Marekani dhidi ya mkuu wa jeshi Abdel Fattah al-Burhan, ikisema kuwa vikwazo hivyo havina msingi wa haki na uwazi.

https://p.dw.com/p/4pFZV
Mkuu wa jeshi la Sudan Abdel Fattah al-Burhan
Mkuu wa jeshi la Sudan Abdel Fattah al-BurhanPicha: AFP

Katika taarifa yake, wizara hiyo imesema vikwazo hivyo vinaleta mkanganyiko baada ya miezi 21 ya vita kati ya jeshi na vikosi vya RSF, huku ikisisitiza kuwa Burhan anawatetea watu wa Sudan dhidi ya kile ilichotaja kuwa njama ya mauaji ya kimbari.

Siku ya Alhamisi, wizara ya fedha ya Marekani ilitangaza vikwazo dhidi ya Burhan, ikilishutumu jeshi kwa kushambulia shule, masoko na hospitali na kutumia chakula kama silaha ya vita.

Soma pia: UN yaonya kuhusu mashambulizi ya kulipiza kisasi Sudan 

Haya yanajiri wiki moja baada ya Marekani kumuwekea pia vikwazo kiongozi wa RSF Mohamed Hamdan Daglo, ikilishutumu kundi lake kwa kufanya mauaji ya halaiki. Tangu kuanza kwa mzozo huo Aprili mwaka 2023, pande zote mbili zimekuwa zikishutumiwa kwa kuwalenga raia na kushambulia kwa makombora maeneo ya makazi.