1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Uchaguzi Mkuu wa Ujerumani 2025Mzozo wa Israel na HamasBundesliga
Sauti zetuVidio zetu
Siasa

Serikali ya Sudan yavikosoa vikwazo dhidi ya mkuu wa jeshi

Lilian Mtono
17 Januari 2025

Wizara ya mambo ya nje ya Sudan inayoungwa mkono na jeshi, imelaani vikwazo vilivyotangazwa siku ya Alhamisi na Marekani dhidi ya mkuu wa jeshi Abdel Fattah al-Burhan.

https://p.dw.com/p/4pGaw
Sudan Khartoum | Abdel Fattah al-Burhan
Kiongozi wa kijeshi wa Sudan Abdel Fattah al-BurhanPicha: El Tayeb Siddig/REUTERS

Wizara ya mambo ya nje ya Sudan inayoungwa mkono na jeshi, imelaani vikwazo vilivyotangazwasiku ya Alhamisi na Marekani dhidi ya mkuu wa jeshi Abdel Fattah al-Burhan, ikisema havina msingi wa haki wala uwazi.

Wizara hiyo imesema kwenye taarifa kwamba vikwazo hivyo vinaleta mkanganyiko baada ya miezi 21 ya vita kati ya jeshi na wanamgambo wa RSF, na kusisitiza kuwa Burhan anawatetea watu wa Sudan dhidi ya kile ilichotaja kama njama ya mauaji ya kimbari.

Siku ya Alhamis, wizara ya fedha ya Marekani ilitangaza vikwazo dhidi ya Burhan, ikilishutumu jeshi kwa kushambulia shule, masoko na hospitali na kutumia chakula kama silaha ya vita.

Haya yanajiri wiki moja baada ya Marekani kumuwekea pia vikwazo kiongozi wa RSF Mohamed Hamdan Daglo, ikilishutumu kundi lake kwa kufanya mauaji ya halaiki.