1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaAfrika

Sudan Kusini kuanza tena kuuza mafuta ghafi nje ya nchi

Sylvia Mwehozi
25 Oktoba 2024

Sudan Kusini imetangaza kuwa katika siku chache zijazo itaanza tena kuuza nje mafuta ghafi kupitia kwenye bandari iliyo katika nchi jirani ya Sudan.

https://p.dw.com/p/4mFIU
Salva Kiir Mayardit | sudanesischer Präsident
Rais wa Sudan Kusini Salva Kiir akihudhuria hafla ya kuapishwa kwa rais mpya wa Kenya William Ruto, katika uwanja wa Kasarani jijini Nairobi, Septemba 13, 2022.Picha: Brian Inganga/AP Photo/picture alliance

Afisa mmoja wa serikali ya Sudan Kusini ameliambia shirika la Habari la Reuters kwamba kazi hiyo ya kupampu mafuta itaanza baada ya kumalizika ukarabati wa bomba kuu lililopasuka, wakati wa mapigano nchini Sudan kati ya jeshi la Sudan SAF na Kikosi cha wanamgambo waRSF yaliyoanza mwezi Aprili mwaka jana. Mafuta yanayosafirishwa kupitia bomba la mafuta nchini Sudan ni chanzo muhimu cha mapato kwa Sudan Kusini, yanayowakilisha asilimia 90 ya mapato yake ya fedha za kigeni. Sudan pia inapata malipo kama ada ya usafirishaji wa mafuta ya Sudan Kusini kupitia kwenye bandari yake. Sudan Kusini imekuwa ikisafirisha kati ya mapipa laki moja hadi laki moja na nusu ya mafuta ghafi kwa siku hadi nchini Sudan kwa ajili ya kuuza nje.