1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Sauti zetuVidio zetu
Yanayoangaziwa
Uchaguzi wa Marekani 2024Mzozo wa Israel na HamasBundesliga
SiasaPakistan

Wafuasi wa Imran Khan wakabiliana na polisi Islamabad

Saleh Mwanamilongo
5 Oktoba 2024

Polisi ilizingira mji huo ili kuzima maandanao ya wafuasi wa Waziri Mkuu wa zamani, Imran Khan. Taarifa zinasema kuwa mawasiliano ya mtandao wa simu yalikatwa.

https://p.dw.com/p/4lRrI
Polisi na waandamanaji wakabiliana mitaani mjini Islamabad
Polisi na waandamanaji wakabiliana mitaani mjini IslamabadPicha: M. Asim/REUTERS

Wafuasi wa chama cha PTI, cha Imran Khan walianza kuandamana Jana Ijumaa kuelekea mji Mkuu Islamabad wengi kutoka ngome yake ya kaskazini-magharibi mwa mkoa wa Khyber Pakhtunkhwa, lakini walikabiliwa na vizuizi vya barabarani na gesi ya kutoa machozi. Jumamosi, waandamanaji walijipenyeza mitaani licha ya onyo ya polisi.

Watu kadhaa inadaiwa wamekamatwa, akiwemo msaidizi wa karibu wa Khan. Huku polisi wakisema maafisa wake wasiopungua themanini walijeruhiwa.

Maandamano pia yalipangwa Jumamosi huko Lahore, hata hivyo barabara kuu inayounganisha mji mkuu wa mashariki na mji mkuu Islamabad ilizuiwa.

Imran Khan, ambaye yuko jela, alipongeza maandamano hayo na kuwaita wafuasi wake kuwa ni watu yenye ujasiri.