Watu 99 wafariki kufuatia moto wa nyika huko Chile

Vikosi vya uokozi vinaendelea kupambana na moto huo ambao umejikita katika maeneo ya watalii ya Viña del Mar na Valparaiso, ambapo umeharibu mamia ya hekta za misitu. Katika eneo la Valparaiso, takriban nyumba 3000 zimeteketea kwa moto. Karibu watu 200 hadi sasa haijulikani walipo.

Alipotembelea mji wa Quilpé ambao umeathirika pia na moto huo,  Rais wa Chile Gabriel Boric  ametangaza siku mbili za maombolezo ya kitaifa kuanzia Jumatatu huku akiamuru kutumia rasilimali zote muhimu ili kukabiliana na moto huo.