مچھر کا جین تبدیل کر دیں، ملیریا ختم ہو جائے گا

امریکی ارب پتی شخصیت مائیکروسافٹ کے شریک بانی بل گیٹس نے کہا ہے کہ جین ایڈیٹنگ ٹیکنالوجی کا استعمال کرتے ہوئے مچھروں کی ملیریا پھیلانے کی صلاحیت ختم کی جا سکتی ہے۔ انہوں نے کہا کہ جین میں تبدیلی کے حوالے سے جاری تحقیق کو اخلاقی مسائل سے جوڑ کر مشکلات کا شکار نہیں کرنا چاہیے۔

کراچی کے کوڑے پر پیپلز پارٹی اور ایم کیو ایم میں سرد جنگ

ملیریا کے مدِ مقابل بِل گیٹس

انسداد ملیریا اور راؤنڈ ورم طفیلیوں کے خلاف ادویات پر نوبل انعام

لندن میں ملیریا فورم سے خطاب کرتے ہوئے بل گیٹس نے کہا کہ گو کہ جین ایڈیٹنگ پر تحقیق کے حوالے سے ’جائز اخلاقی سوالات‘ اٹھائے جا رہے ہیں، تاہم ان سوالات کے ذریعے جین ڈرائیو یا سی آر آئی ایس پی آر نامی ٹیکنالوجی کی راستہ روکنے کی کوشش نہیں کی جانا چاہیے۔

انہوں نے کہا کہ جین ڈرائیو ٹیکنالوجی کے ذریعے اس مہلک بیماری کے خلاف پیش رفت پر انہیں نہایت خوشی ہے اور وہ خود کو توانا محسوس کر رہے ہیں۔

جین ڈرائیو ٹیکنالوجی کے ذریعے ڈین این اے میں تبدیلی کی جاتی ہے، جس کا نتیجہ جینیاتی ردوبدل اور کئی نسلوں کے ارتقائی عمل کو ایک جست سے عبور کر لیا جاتا ہے۔ CRISPR ٹیکنالوجی کے ذریعے سائنس دان کسی بھی جین میں تحریف یا تبدیلی کر سکتے ہیں۔

اس ٹیکنالوجی کا استعمال سائنس کی مختلف شاخوں اور شعبہ ہائے زندگی میں ہو رہا ہے، جن میں مال مویشی اور نئی فصلوں کی تیاری شامل ہے۔ مچھروں میں ملیریا کا وائرس پھیلانے کی صلاحیت ہوتی ہے، تاہم جین میں تبدیلی کر کے ان کی آبادی کم اور اس وائرس کو اپنے اندر رکھنے کی صلاحیت ختم یا محدود بنائی جا سکتی ہے۔

یہ ٹیکنالوجی انتہائی موثر ہے، تاہم اس کے حوالے سے کئی طرح کے خدشات بھی ظاہر کیے جا رہے ہیں۔ ناقدین کا کہنا ہے کہ اس طرح جانوروں، حشرات اور نباتات کے جین میں مصنوعی تبدیلیاں ایکوسسٹم کو نامعلوم اور ناقابل تلافی نقصان پہنچا سکتی ہیں۔

ع ت / ع ب