روسی اور يوکرينی سرحدی علاقوں پر بمباری

يوکرين اور روس، دونوں نے ايک دوسرے پر اپنے اپنے سرحدی علاقوں پر رات گئے فضائی حملوں کا الزام لگايا ہے۔

روسی حکام کے مطابق سومی کے خطے ميں دو افراد ہلاک اور چار ديگر زخمی ہو گئے، جب کہ بیلگرود ميں يوکرينی بمباری سے تين افراد زخمی ہو گئے۔ چند گاڑيوں اور رہائشی عمارات کو بھی نقصان پہنچا۔ يوکرينی فوج نے ٹيلی گرام پر جاری کردہ ايک پيغام ميں يہ تفصيلات بتائيں۔

علاقائی گورنر نے ٹيلی گرام پر اتوار کو جاری کردہ ايک پيغام کے ذريعے مطلع کيا کہ روس کے جنوب مغربی خطے بیلگرود ميں جو تين شہری زخمی ہوئے، ان ميں دو بچے شامل ہيں۔ انہوں نے مزيد بتايا کہ دو رہائشی عمارات تباہ ہو گئيں جبکہ مجموعی طور پر 15 کو نقصان پہنچا۔ روسی وزارت دفاع کے مطابق ہفتے اور اتوار کی درميانی شب بیلگرود ميں کم از کم دو يوکرينی ڈرونز کو مار گرايا گيا۔

روسی اور يوکرينی افواج کے مابين شديد جھڑپيں

روسی يوکرينی جنگ کے پانچ سو دن

ایران کی روس کو بلیسٹک میزائلوں کی فراہمی، یوکرین کی تشویش

يوکرينی فوج کے مطابق رات گئے روس کی جانب سے مجموعی طور پر 23 ڈرون حملے کيے گئے، جن ميں سے يوکرين نے پندرہ ڈرون مار گرائے۔ دو ڈرون اور تين ميزائل اپنے اہداف تک نہ پہنچ پائے، انہيں ممکنہ طور پر يوکرين کے اليکٹرانک دفاعی نظام نے تباہ کيا۔

يوکرينی سرحدی علاقے سومی اور اس سے متصل روسی سرحدی علاقہ بیلگرود آج کل حملوں کی زد ميں ہيں۔ دونوں فريقوں کا کہنا ہے کہ ان کی جانب سے شہری علاقوں اور شہری اہداف کو نشانہ نہيں بنايا جاتا بلکہ ايسی عسکری تنصيبات کے خلاف حملے کيے جاتے ہيں، جو جنگ ميں استعمال ہو رہی ہيں۔

روس نے فروری سن 2022 ميں يوکرين کے خلاف باقاعدہ جنگ شروع کی تھی۔ تب سے اب تک اس جنگ ميں ہزارہا افراد ہلاک ہو چکے ہيں۔ يوکرين کے کئی ملين شہری بے گھر بھی ہو چکے ہيں۔

ايران نے ممکنہ طور پر روس کو اسلحہ فراہم کيا ہے، امريکا کا الزام

دريں اثناء امريکا نے اپنے اتحاديوں کو بتايا ہے کہ ايران نے ممکنہ طور پر کم فاصلے تک اپنے ہدف کو نشانہ بنانے والے بيلسٹک ميزائل روس کو فراہم کيے ہيں۔ فوری طور پر اس بارے ميں مزيد تفصيلات نہيں بتائی گئيں۔ يہ خبر انٹيليجنس کے ذرائع سے جاری کی گئی ہے جبکہ وائٹ ہاوس نے اس پر رد عمل ظاہر کرنے سے گريز کيا۔

امريکا کئی ماہ سے ايران کو خبردار کرتا آيا ہے کہ روس کو اسلحے کی فراہمی يا اشتعال انگيزی ناقابل قبول ہو گی۔

ع س/ا ب ا (روئٹرز)