سابق پوپ بینیڈکٹ شدید علیل اور حالت مسلسل بگڑتی ہوئی، ویٹیکن

موجودہ پوپ فرانسس سے پہلے کلیسائے روم کے سربراہ کے فرائض انجام دینے اور پیدائشی طور پر جرمنی سے تعلق رکھنے والے بینیڈکٹ شانزدہم کے بارے میں یہ بات آج ہی سامنے آئی تھی کہ وہ بہت بیمار ہیں۔

آن لائن پورن شیطان کے داخل ہونے کا ذریعہ ہے، پوپ فرانسس

یہ بات ان کے موجودہ جانشین فرانسس نے ویٹیکن سٹی میں بدھ اٹھائیس دسمبر کی صبح اپنی روزانہ کلیسائی مصروفیات کے دوران کہی تھی۔

اس موقع پر پوپ فرانسس نے کہا تھا کہ ان کے پیش رو شدید حد تک علیل ہیں۔

پاپائے روم فرانسس کے الفاظ میں، ''میں آپ سب سے پوپ امریطس بینیڈکٹ کے لیے خاص دعاؤں کی درخواست کرتا ہوں، جو خاموشی سے کلیسا کی خدمت جاری رکھے ہوئے ہیں۔ آئیے، ہم سب انہیں یاد کریں۔‘‘

پوپ کی کینیڈا کے مقامی باشندوں کے خلاف ’برائی‘ پر معافی

بینیڈکٹ شانزدہم کی حالت مسلسل بگڑتی ہوئی

ویٹیکن سٹی میں پوپ فرانسس کے سابق پوپ بینیڈکٹ کے بارے میں صبح کے بیان کے چند گھنٹے بعد اس بارے میں ویٹیکن سٹی نے باقاعدہ طور پر ایک مختصر بیان میں یہ بھی کہہ دیا کہ سابق پوپ بہت بیمار ہیں اور ان کی طبی حالت مسلسل بگڑتی جا رہی ہے۔

پوپ فرانسس نے ویٹیکن کے نئے اصلاحاتی دستور کی منظوری دے دی

ویٹیکن کے ایک ترجمان نے بتایا کہ سابق پوپ کی حالت گزشتہ چند گھنٹوں میں مزید بگڑ چکی ہے اور پوپ فرانسس اپنے پیش رو کی عیادت کے لیے بھی گئے۔

بینیڈکٹ شانزدہم کی عمر اس وقت 95 برس ہے اور انہوں نے کیتھولک مسیحیوں کے روحانی پیشوا کے طور پر 2013ء میں اپنے عہدے سے استعفیٰ دے دیا تھا۔ وہ گزشتہ تقریباﹰ 600 سال کے دوران کلیسائے روم کی سربراہی سے مستعفی ہونے والے پہلے مذہبی پیشوا تھے۔

بچے پیدا کرنے کے بجائے جانوروں کو پالنا خود غرضی ہے، پوپ فرانسس

سابق پوپ بینیڈکٹ ہیں کون؟

پاپائے روم بننے کے بعد اپنے لیے بینیڈکٹ شانزدہم کا کلیسائی نام اپنانے والے مسیحی رہنما 16 اپریل 1927ء کے روز جنوبی جرمن صوبے باویریا میں پیدا ہوئے تھے۔ ان کا پیدائشی نام جوزف راٹسنگر تھا، جو کلیسائے روم سے اپنے تعلق کے دوران کارڈینل کے عہدے تک پہنچ گئے تھے۔

سن 2005ء میں کارڈینل راٹسنگر کو دنیا بھر کے کیتھولک مسیحیوں کے روحانی پیشوا کے طور پر نیا پوپ منتخب کر لیا گیا تھا۔ وہ قریب آٹھ سال اس منصب پر فائز رہنے کے بعد مستعفی ہو گئے تھے۔

انہوں نے اپنی پاپائی ذمے داریوں سے دستبردار ہونے کی وجہ خرابی صحت بتائی تھی۔ مستعفی ہونے کے بعد بھی پوپ بینیڈکٹ ویٹیکن سٹی ہی میں رہائش پذیر ہیں۔

م م / ا ا (روئٹرز، اے ایف پی، اے پی)